
काठमाडौं, नेपाल एरोप्रेस च्याम्पियनशिप २०२६ मा ललितपुरस्थित Lost Paradise Café & Barista Academy का Training & Operations Director रोशन बलामीले First Runner-Up (प्रथम उपविजेता) को उपाधि हासिल गरेका छन्।
Nuwa Estate Coffee को आधिकारिक आयोजनामा १७ सेप्टेम्बर २०२६ मा सम्पन्न प्रतियोगितामा बलामीले नेपाल भरिका कफी प्रोफेसनलहरूसँग प्रतिस्पर्धा गर्दै विभिन्न चरण पार गरी फाइनलसम्मको यात्रा तय गरेका थिए।
नेपालको स्पेसियालिटी कफी क्षेत्रमा सक्रिय बलामी कफी शिक्षा, बारिस्टा प्रशिक्षण, कफीको गुणस्तर, ब्रुइङ प्रविधि तथा नयाँ पुस्ताका बारिस्टाहरूको विकासमा समेत संलग्न रहँदै आएका छन्।
प्रतियोगितामा प्रथम उपविजेता बनेसँगै बलामीको उपलब्धिलाई उनको निरन्तर अभ्यास, प्राविधिक ज्ञान, अनुशासन र कफीप्रतिको समर्पणसँग जोडेर हेरिएको छ। उनको सफलतामा Lost Paradise Café & Barista Academy को प्रशिक्षण, सहकार्य र मार्गदर्शनको समेत भूमिका रहेको जनाइएको छ।
नेपालमा स्पेसियालिटी कफी संस्कृति र बारिस्टा समुदायको विकास भइरहेका बेला एरोप्रेसजस्ता प्रतियोगिताले नेपाली कफी प्रोफेसनलहरूलाई आफ्नो सीप प्रदर्शन गर्ने तथा अन्तर्राष्ट्रिय स्तरमा प्रतिस्पर्धा गर्ने अवसर प्रदान गर्दै आएका छन्।


