
काठमाडौं । विवाहित महिलाबीचको सौन्दर्य प्रतियोगिता ‘मिसेस नेपाल वर्ल्ड २०२६’ को स्यासिङ समारोह बिहीबार साँझ राजधानीमा सम्पन्न भएको छ। समारोहसँगै प्रतियोगिताको अन्तिम चरणका लागि २२ जना प्रतिस्पर्धी औपचारिक रूपमा प्रस्तुत भएका छन्।
राजधानीको थापागाउँस्थित बानेश्वर हिल्समा आयोजित समारोहमा विभिन्न क्षेत्रका ख्यातिप्राप्त व्यक्तित्वहरूले प्रतिस्पर्धीहरूलाई ट्याग नम्बर र स्यास प्रदान गरेका थिए। देशका विभिन्न स्थानमा गरिएको अडिसनबाट छनोट भएका प्रतिस्पर्धीहरूले कार्यक्रममा आफ्नो परिचयसमेत दिएका थिए।
यस वर्षको अन्तिम प्रतिस्पर्धामा प्रियशिखा खड्का, सगुन खनाल, सोफिया ढकाल, ऋचा शर्मा, स्वेक्षा पौड्याल, रस्ना श्रेष्ठ, यस्मिन बेगम सइद, नेहा गुप्ता, दिप्ती ढुंगेल, बिन्दु थापा राना, शिल्पा न्यौपाने, शान्ता राना, सुनिता श्रेष्ठ कर्माचार्य, सन्ध्या लामा, बिनिता गुरुङ, ज्योति लामिछाने, समीक्षा रानाभाट, सुष्मा थापा, क्रिस्टिना ज्ञवाली, अञ्जु परियार, मोनिका तामाङ र कञ्चन महर्जन सहभागी छन्।


