दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

यस्तो कथा लेख्छु म

-सुशील आचार्य
प्रकाशित मिति : २०८३ आश्विन ५ गते, सोमबार १०:००

मीठो वास गुराँस छर्छ वनमा, शैलेन्द्र मुस्काउँछ
गौरीशङ्करको अनन्त महिमा, यो देशले गाउँछ
भाषा, भेष, कला र संस्कृति सबै, बुझ्दैछ मेरो मन
नेपाली हुनुमा छ गर्व अति नै, भन्ने कथा लेख्छु म ।।१।।

खोल्दा लोचन देख्छु यो मुलुकमा, छन् देश छाड्ने जन
भन्छन् देश छ रोजगार नदिने, बाँधूँ कसोरी मन
पर्दा गर्न तयार छौँ जन भने, के देशले दिन्न र ?
आफैँ कोर्छु भविष्य भन्न सकिने, यस्तो कथा लेख्छु म ।।२।।

पाखा छन् सब रिक्त मानिसहरू छाडेर अन्तै गए
आशा भर्न सकिन्छ यो धरतिमा, माटो सबैले लिए
खाना खान समेत मुस्किल हुने सारा व्यथा देख्छु म
माटोमै सब रम्न तत्पर हुने, यस्तो कथा लेख्छु म ।।३।।

डट्नैपर्छ सबै सुमार्ग पथमा, राम्रो गराई गति
खाली क्वै नबसून् र उद्यम गरून्, साझा बनाई मति
उत्साही यस देशका युवक हुन्, आशा यही गर्छु म
अज्ञानी पनि ज्ञान आर्जन गरोस्, यस्तो कथा लेख्छु म ।।४।।

होऊन् सार्थक कर्म यत्न सब यी, बाँकी निकै गर्नु छ
पुग्दा यो दुनियाँ कुना हर कुना, प्यारो त नेपाल छ
नेपाली जन उड्दछन् गगनमा, सोच्दैछ मेरो मन
प्यारो देश सदैव उज्ज्वल हुने, यस्तो कथा लेख्छु म ।।५।।

फेसबुक प्रतिक्रिया
सम्बन्धित शीर्षकहरु