दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

कथा : चुरोटवाली सपना

-निर्मल निर्दाेषी
प्रकाशित मिति : २०८३ आश्विन ११ गते, आईतवार ७:२३

बैंककको इन्द्रा मार्केट। साँझको समय। भीडभाडबीच एउटा कफी सपमा श्यामको भेट एउटी युवतीसँग भयो—सपना बस्नेत।

नेपाली मूलकी बर्मेली सपना बर्माबाट बैंककमा व्यवसाय गर्ने उद्देश्यले आएकी थिइन्। नयाँ व्यापार सुरु गर्न सटर खोज्दै गर्दा संयोगले श्यामसँग उनको परिचय भयो। नेपाली हुनुको नाताले सुरु भएको सामान्य कुराकानी विस्तारै उनको निजी जीवनको कथासम्म पुग्यो।

सपनाले चुरोट सल्काइन्। धुवाँसँगै उनका आँखामा लुकेको पीडा पनि बाहिरिएजस्तो लाग्यो।

“प्रेममा विश्वास गरेँ,” उनले भनिन्, “तर प्रेमकै नाममा धोका पाएँ।”

उनका अनुसार प्रेमीले नजिकिएर सम्बन्ध बनाएपछि उनलाई एक्लै छाडेको थियो। पछि आफू गर्भवती भएको थाहा पाएपछि उनी झनै ठूलो पीडामा परिन्। प्रेमी भने सम्पर्कविहीन भयो र नेपाल गएको बताइए पनि फेरि फर्किएन।

सपनाले फेरि चुरोट सल्काइन्।

“उसले मेरो जीवन नै बर्बाद गरिदियो,” उनले भावुक हुँदै भनिन्।

श्याम चुपचाप सुनिरहेका थिए। उनको अगाडि बसेकी सपना बाहिरबाट आत्मविश्वासी देखिन्थिन्, तर उनको कथाभित्र गहिरो पीडा लुकेको थियो।

केही क्षणपछि सपनाले श्यामलाई हेर्दै मुस्कुराइन्। त्यो मुस्कानमा आकर्षणभन्दा बढी भरोसा खोजिरहेको भाव थियो।

त्यत्तिकैमा शारदाको आवाज आयो—

“श्यामजी, पटाया जाने गाडी आयो।”

श्याम उठे। सपनातिर अन्तिमपटक हेरे र बिदा भए।

बैंककको त्यो साँझमा चुरोटको धुवाँसँगै सपनाको कथा पनि बिस्तारै हराउँदै गयो।

तर इन्द्रा मार्केटको त्यो कफी सप, सपनाको मुस्कान र उनको अधुरो प्रेमकथा भने श्यामको सम्झनामा लामो समयसम्म रहिरह्यो।

फेसबुक प्रतिक्रिया
सम्बन्धित शीर्षकहरु