तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

FIDAF बोर्डमा आरसी कोइराला निर्विरोध निर्वाचित

न्यूजलाईन्स् मिडिया संवाददाता
प्रकाशित मिति : २०८३ आश्विन २१ गते, बुधबार १९:२८

काठमाडौँ, असोज २०, २०८३। अन्तर्राष्ट्रिय लोक संस्कृति तथा नृत्यको प्रतिष्ठित संस्था अन्तर्राष्ट्रिय नृत्य महोत्सव महासंघ (FIDAF) को बोर्ड अफ डाइरेक्टरमा नेपालका आरसी कोइराला ‘रामचन्द्र’ पुनः निर्विरोध निर्वाचित हुनुभएको छ।

दक्षिण कोरियाको चेओनन शहरमा सम्पन्न FIDAF को कार्यकारी समिति बैठक तथा अधिवेशनबाट कोइराला चार वर्षे कार्यकालका लागि ३३ सदस्यीय कार्यकारी बोर्डमा सर्वसम्मत निर्वाचित हुनुभएको हो। अधिवेशनमा विश्वका ११२ राष्ट्रका १४२ जना प्रतिनिधि तथा पदाधिकारीको सहभागिता रहेको थियो।

एभरेष्ट नेपाल कल्चरल ग्रुपका संस्थापक अध्यक्ष कोइरालाले यसअघि पनि FIDAF को बोर्ड अफ डाइरेक्टर तथा एसिया महादेशका उपाध्यक्षका रूपमा जिम्मेवारी सम्हालिसक्नुभएको छ। उहाँले नेपाली कला, संस्कृति, परम्परा तथा लोकनृत्यको प्रवर्द्धनका लागि ८५ भन्दा बढी देशमा सांस्कृतिक प्रतिनिधिमण्डलको नेतृत्व गरिसक्नुभएको छ।
कोइरालाको पुनः निर्विरोध निर्वाचनसँगै अन्तर्राष्ट्रिय मञ्चमा नेपाली कला र संस्कृतिको प्रवर्द्धनमा थप योगदान पुग्ने अपेक्षा गरिएको छ। उहाँको सफलताप्रति विभिन्न संस्कृतिविद्, कलाकार तथा संघ–संस्थाले बधाई तथा शुभकामना व्यक्त गरेका छन्।

फेसबुक प्रतिक्रिया
सम्बन्धित शीर्षकहरु