
२१ कात्तिक, काठमाडौं । दोस्रो थली सांस्कृतिक तथा व्यापार महोत्सव–२०८३ मा चर्चित गायक तथा कलाकार दुर्गेश थापाको विशेष लाइभ कन्सर्ट हुने भएको छ।
महोत्सवको विशेष आकर्षणका रूपमा आगामी कात्तिक २३ गते थली चौरमा थापाको भव्य सांगीतिक प्रस्तुति आयोजना गर्न लागिएको हो। कार्यक्रममा उनले आफ्ना चर्चित गीत प्रस्तुत गर्नेछन्।
कात्तिक ९ गतेदेखि सुरु भएको महोत्सवमा विभिन्न सांस्कृतिक तथा मनोरञ्जनात्मक कार्यक्रमसँगै व्यापारिक गतिविधिसमेत सञ्चालन भइरहेका छन्।
आयोजकका अनुसार दुर्गेश थापाको लाइभ कन्सर्टमा स्थानीय बासिन्दा, युवा, दर्शक तथा संगीतप्रेमीहरूको उल्लेख्य सहभागिता रहने अपेक्षा गरिएको छ। आयोजकले सम्पूर्ण दर्शकलाई कार्यक्रममा सहभागी भई महोत्सवको शोभा बढाउन आग्रह गरेको छ।
मिति: २०८३ कात्तिक २३ गते
स्थान: थली चौर, काठमाडौं
विशेष आकर्षण: दुर्गेश थापाको लाइभ कन्सर्ट


