दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

छठ पर्व आज धुमधामका साथ मनाइँदै

न्यूजलाईन्स् मिडिया संवाददाता
प्रकाशित मिति : २०८३ कार्तिक २९ गते, आईतवार ८:२५

काठमाडौँ । हिन्दु धर्मावलम्बीहरूको प्रमुख पर्व छठ आज देशभर श्रद्धा र उत्साहका साथ मनाइँदै छ। विशेषगरी तराई–मधेस क्षेत्रमा मनाइने छठ पछिल्लो समय काठमाडौँ उपत्यकासहित पहाडी तथा हिमाली क्षेत्रमा समेत व्यापक रूपमा मनाउन थालिएको छ।
चार दिनसम्म मनाइने छठको आज मुख्य दिन कार्तिक शुक्ल षष्ठीमा व्रतालुहरूले नदी, पोखरी तथा जलाशयमा पुगेर अस्ताउँदो सूर्यलाई ‘सन्ध्या अर्घ्य’ अर्पण गर्दैछन्। व्रतालुहरू दिनभर निराहार बसेर साँझ पूजा सामग्रीसहित जलाशयमा कम्मरसम्म पानीमा उभिई सूर्यदेवको आराधना गर्ने परम्परा छ।

छठको पहिलो दिन ‘नहाय–खाय’ र दोस्रो दिन ‘खरना’ सम्पन्न भइसकेका छन्। खरनाका दिन व्रतालुहरूले निराहार व्रत बसेर साँझ दूध, चामल र सख्खरबाट बनाइएको खीर प्रसादका रूपमा ग्रहण गरेका थिए।
छठको अन्तिम दिन भोलि बिहान उदाउँदो सूर्यलाई ‘उषा अर्घ्य’ दिएपछि व्रत समापन गरिनेछ। त्यसपछि व्रतालुहरूले प्रसाद ग्रहण गरी आफन्त तथा श्रद्धालुहरूलाई बाँड्ने परम्परा छ।
छठ पूजामा उखु, केराको बोट तथा फल, नरिवल, बेसार, अदुवा, जौलगायत सामग्रीसँगै ठेकुवा र भुसुवा विशेष प्रसादका रूपमा प्रयोग गरिन्छ। सूर्यदेव र षष्ठी भगवतीको आराधना गर्दा परिवारमा सुख–शान्ति, समृद्धि, सन्तान सुख तथा दीर्घायु प्राप्त हुने जनविश्वास छ।
अहिंसा, परोपकार, शुद्धता र प्रकृतिप्रतिको सम्मानको सन्देश दिने छठ पर्वले सामाजिक सद्भाव र एकताको भावना समेत बलियो बनाउँदै आएको छ।

फेसबुक प्रतिक्रिया
सम्बन्धित शीर्षकहरु