दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

नेपाल पर्यटक यातायात व्यवसायी संघको सचिव पदमा टेक पुन मगर निर्बिरोध निर्वाचित

न्यूजलाईन्स् मिडिया संवाददाता
प्रकाशित मिति : २०८२ भाद्र ३ गते, मंगलवार ४:०९

२ भदौं ,काठमाडौं । धौलागिरी क्षेत्र, बाग्लुङ जिल्लाको गल्कोट नगरपालिका–१० निवासी वरिष्ठ पर्यटन व्यवसायी, समाजसेवी तथा नेपाली माटोप्रेमी टेक बहादुर पुन (टेक पुन मगर) नेपाल पर्यटक यातायात व्यवसायी संघको २२औं वार्षिक साधारण सभाबाट निर्बिरोध कार्यसमिति सचिव पदमा निर्वाचित भएका छन् ।

पर्यटन क्षेत्रमै लामो समयदेखि सक्रिय रहँदै आएका पुनले आफ्नो जीवनलाई सदैव नेपाली माटोसँग जोडेर अघि बढाएका छन् । अमेरिकाबाट विभिन्न अवसरका लागि बोलावट आएपनि उनले मातृभूमिलाई प्राथमिकता दिँदै नेपालमै सेवा गर्ने अठोटलाई जीवनको मूलमन्त्र बनाउँदै आएका छन् । नेपालकै पर्यटन व्यवसायलाई प्रवर्द्धन गर्न निरन्तर लागिपरेका उनी देशभित्र मात्र नभई अन्तर्राष्ट्रिय क्षेत्रमा समेत नेपाली पर्यटनको पहिचान दिलाउने अभियानमा समर्पित रहेका छन् ।

संघको साधारण सभाबाट पुन निर्बिरोध निर्वाचित हुनु बाग्लुङ मात्र नभई सम्पूर्ण धौलागिरी क्षेत्रका लागि गर्वको विषय बनेको छ । उनको नेतृत्वले व्यवसायी समुदायलाई नयाँ दृष्टि, ऊर्जा र प्रेरणा दिने अपेक्षा गरिएको छ । संघका पदाधिकारीहरूले पुनको नेतृत्वमा कार्यसमिति अझ सशक्त र परिणाममुखी बन्ने विश्वास व्यक्त गरेका छन् ।

समाजसेवा, पर्यटन प्रवर्द्धन र नेपाली संस्कृति–मूल्यप्रति गहिरो समर्पण राख्दै आएका टेक बहादुर पुनको निर्वाचनलाई स्थानिय बाग्लुङबासीले समेत खुसीसाथ स्वागत गरेका छन् । उनीहरूले पुनको नेतृत्वमा व्यवसायीको हकहित सुनिश्चित हुने, पर्यटन पूर्वाधारमा नयाँ योजना अघि बढ्ने र नेपाली माटोको गौरव अन्तर्राष्ट्रिय क्षेत्रमा अझ फैलिने विश्वास व्यक्त गरेका छन् ।

यसै सन्दर्भमा सम्पूर्ण बाग्लुङबासीले टेक बहादुर पुनलाई हार्दिक बधाई ज्ञापन गर्दै सफल कार्यकालको शुभकामना व्यक्त गरेका छन् ।

फेसबुक प्रतिक्रिया
सम्बन्धित शीर्षकहरु