
राष्ट्रिय प्रजातन्त्र पार्टी, मधेश प्रदेशका अध्यक्ष भरत गिरी प्रतिनिधि सभाको समानुपातिकतर्फको खस-आर्य क्लष्टरको बन्द सूचीमा नेपालभरकै पहिलो नम्बरमा समावेश हुनुभएको छ।
राप्रपाले समानुपातिकतर्फ खस-आर्यको पहिलो तीन उम्मेदवार लोकतान्त्रिक विधिबाट चयन गरेको हो। कार्यसम्पादन समितिको बैठकमा भएको मतदानबाट टुंगो लाग्दा सर्वाधिक मत प्राप्त गरी भरत गिरी पहिलो नम्बरमा पर्न सफल हुनुभएको छ।
लामो समयदेखि समाजसेवा, संगठन निर्माण र जनसरोकारका क्षेत्रमा सक्रिय भरत गिरी एक कर्मशील, निष्ठावान र प्रतिबद्ध नेताका रूपमा परिचित हुनुहुन्छ। विशेषतः मधेश प्रदेशका जनताको हक–अधिकार, समावेशी विकास र सामाजिक न्यायका विषयमा उहाँको भूमिका उल्लेखनीय रहँदै आएको छ।
शिक्षा र स्वास्थ्यलाई राष्ट्र निर्माणका आधारस्तम्भका रूपमा लिँदै उहाँले गुणस्तरीय शिक्षा र सुलभ स्वास्थ्य सेवामा दीर्घकालीन सुधार आवश्यक रहेको स्पष्ट धारणा राख्दै आउनुभएको छ। उहाँका अनुसार देश विकास नाराले होइन, इमानदार नेतृत्व, व्यवहारिक कर्म र जिम्मेवार कार्यशैलीबाट मात्र सम्भव हुन्छ।
भरत गिरीको नेतृत्वले पार्टी संगठनलाई थप सुदृढ बनाउने र मधेश प्रदेशसहित देशभर सकारात्मक परिवर्तनको नयाँ अध्याय सुरु हुने अपेक्षा गरिएको छ।


