
काठमाडौ । झन्डै दुई दशक बढी देखि आतिथ्य क्षेत्रमा नयाँ स्वाद पस्किने क्रमलाई निरन्तता दिँदै आउनुभएका होटल एल्लो प्यागोडा कान्तिपथका एक्जुकेटिभ सेफ राम बहादुर खड्का सम्मानित भएका छन् ।

शुक्रबार नेपाल पर्यटन बोर्ड भृकुटीमण्डपमा राष्ट्रिय नागरिक विकास समाज तथा ग्लोबल फ्रेण्डशिप फाउण्डेशनले राष्ट्रिय भूकम्प सुरक्षा दिवसको अवसरमा आयोजना गरिएको बिशेष कार्यक्रम माझ प्रमुख अतिथि उपसभामुख इन्दिरा रानामगरले खड्कालाई सम्मान गर्नु भएको हो।

सम्मानित भए पछि खड्काले खुसि ब्यक्त गर्दै आफुलाई लायक सम्झेर सम्मान गरेकोमा कार्यक्रमका सभापति तथा राष्ट्रिय नागरिक समाजका अध्यक्ष महेश जंग कुँवर बिशेष धन्यबाद दिदै आफ्नो पेसामा अझै डटेर मिहिनेत गर्न ऊर्जा थप्ने आतिथ्य क्षेत्रमा नयाँ स्वाद पस्किने क्रमलाई निरन्तता दिँदै पाक कलामा रचनात्मक शैली मार्फत् यस क्षेत्रमा क्रियाशील हुन र काम गर्न यो सम्मानले प्रेरणा मिलेको बताउनुभयो।


