
गोबिन्द राज ओझा राजन
इतिहास बुझ्नुपर्छ, साहसले सम्झनु छ,
देश व्यक्ति भन्दा ठूलो छ — यही मान्नु छ।
सुशासनको बाटोमा कानुन सुधार हुनुपर्छ,
भ्रष्टाचार रोकी इमानदार शासन बन्नु छ।
नागरिकको आवाज बनी उभिनु नेतृत्वले,
जनताले फेरि शिर ठाडो गरी हिँड्नु छ।
जनताको माग सुन्ने सहज पहुँच हुनुपर्छ,
नियमित भेटघाटले भरोसा जगाउनु छ।
रोजगारी सिर्जना र सामाजिक सुरक्षा साथ,
शान्ति, स्थायित्वले देशलाई अघि बढाउनु छ।
कृषि, पर्यटन, प्रविधिले समृद्धि ल्याओस्,
पारदर्शी नीति–बजेटले विकास सजाउनु छ।
कानुनी राज, जनमैत्री शासनको सपना लिएर,
जवाफदेही राज्यले विश्वास जित्नु छ।


