तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

चलचित्र गुरु आमा’प्रति पत्रकारदेखि पर्यटन व्यवसायी आकर्षित

न्यूजलाईन्स् मिडिया संवाददाता
प्रकाशित मिति : २०८३ जेष्ठ ५ गते, मंगलवार ५:४०

काठमाडौं । नेपाली कथानक चलचित्र ‘गुरु आमा’प्रति पत्रकारदेखि पर्यटन व्यवसायीसम्म आकर्षित भएका छन् । सोमबार वरिष्ठ पर्यटन व्यवसायी रामप्रसाद सापकोटा तथा डेरी व्यवसायी धुर्व तिवारी पत्रकारसहित गायक बालचन्द्र बराल, राधिका हमला सहितको टोलीले सामाखुसीस्थित क्युफेक्स सिटिस्क्वाएरमा पुगेर चलचित्र हेरेका हुन् ।

चलचित्र अवलोकनपछि पर्यटन व्यवसायी रामप्रसाद सापकोटाले ‘गुरु आमा’ले शिक्षा क्षेत्रको यथार्थ, शिक्षकको संघर्ष र अभिभावकको जिम्मेवारीलाई प्रभावकारी रूपमा प्रस्तुत गरेको प्रतिक्रिया दिए । उनले समाजमा शिक्षाको महत्वलाई भावनात्मक ढंगले उठान गरिएको भन्दै चलचित्रले सकारात्मक सन्देश दिएको समेत बताए ।

सापकोटाले चलचित्रले शिक्षाको महत्व, विद्यालयको भूमिका र समाज निर्माणमा गुरुको योगदानलाई यथार्थपरक शैलीमा प्रस्तुत गरेको सुनाए ।

नेपाली चलचित्र क्षेत्रमा प्रेमकथा, हास्य तथा एक्सनप्रधान फिल्महरू बढी निर्माण भइरहेका बेला विद्यालय, शिक्षक, विद्यार्थी र अभिभावकको यथार्थलाई केन्द्रमा राखेर निर्माण गरिएको ‘गुरु आमा’लाई फरक विषयवस्तु बोकेको चलचित्रका रूपमा हेरिएको छ ।

शिक्षक, विद्यार्थी र अभिभावक समुदायबाट चलचित्रले विशेष साथ र समर्थन पाइरहेको निर्माण पक्षले जनाएको छ ।

निर्देशक प्रेम सोनी सुनारले समुदाय, विद्यालय र दर्शकको साथले चलचित्रलाई थप उचाइमा पुर्‍याएको बताए ।

चलचित्रमा मिथिला शर्मा, बुद्धि तामाङ, प्रेम सोनी सुनार, सुशील पोखरेल, धुर्व कोइराला, टिका सानु र सुस्मा थापा को मुख्य अभिनय रहेको छ । साथै पदम थापा, विश्वास नेपाल र उत्तम केसी को अभिनय रहेको चलचित्रमा गौरी मल्ल र पूजा शर्मा को विशेष उपस्थिति रहेको छ ।

फेसबुक प्रतिक्रिया
सम्बन्धित शीर्षकहरु