दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

रास्वपा प्रवास समिति मलेसियाको दोस्रो अधिवेशन जुन १ मा,अधिवेशन भव्य र सभ्य बनाउन संयोजक नेत्र केसीको सक्रियता

न्यूजलाईन्स् मिडिया संवाददाता
प्रकाशित मिति : २०८३ जेष्ठ १२ गते, मंगलवार ७:३४

क्वालालम्पुर, राष्ट्रिय स्वतन्त्र पार्टी (रास्वपा) को प्रवास नेपाली सम्पर्क विभाग, मलेसियाद्वारा आगामी जुन १ तारिखमा आयोजना हुन गइरहेको दोस्रो ऐतिहासिक अधिवेशनलाई भव्य र सभ्य रूपमा सम्पन्न गर्न मलेसिया संयोजक नेत्र केसीसहित सम्पूर्ण टोली सक्रिय रूपमा जुटेको छ । क्वालालम्पुरस्थित नेटफार प्रेस्टो क्याफेमा हुने उक्त अधिवेशनको तयारी अहिले अन्तिम चरणमा पुगेको आयोजकले जनाएको छ ।
रास्वपा प्रवास संगठनलाई मलेसियामा अझ सशक्त, व्यवस्थित र प्रभावकारी बनाउने उद्देश्यसहित आयोजना हुन लागेको उक्त अधिवेशनलाई लिएर नेपाली समुदायमा उत्साह बढ्दो देखिएको छ । विशेष गरी मलेसियामा रहेका युवा, श्रमिक, व्यवसायी तथा विभिन्न पेशामा आबद्ध नेपालीहरू कार्यक्रममा सहभागी हुने अपेक्षा गरिएको छ ।
अधिवेशन तयारीको नेतृत्व गरिरहेका मलेसिया संयोजक नेत्र केसी पछिल्ला केही सातादेखि निरन्तर भेटघाट, समन्वय तथा संगठन विस्तार अभियानमा सक्रिय देखिएका छन् । उनले मलेसियाका विभिन्न राज्य तथा क्षेत्रमा रहेका नेपाली समुदायसँग प्रत्यक्ष सम्पर्क गर्दै कार्यक्रममा व्यापक सहभागिताका लागि आह्वान गरिरहेका छन् ।
संयोजक केसीले अधिवेशन केवल संगठनात्मक कार्यक्रम मात्र नभई प्रवासमा रहेका नेपालीहरूको भावना, एकता र राजनीतिक चेतनासँग जोडिएको महत्वपूर्ण अवसर भएको बताएका छन् । “मलेसियामा रहेका सम्पूर्ण नेपाली दाजुभाइ तथा दिदीबहिनीहरूलाई कार्यक्रममा उपस्थित भई अधिवेशनलाई ऐतिहासिक बनाउन हार्दिक आग्रह गर्दछु,” उनले बताएका छन् ।
उनका अनुसार अधिवेशनमा संगठन सुदृढीकरण, प्रवासमा रहेका नेपालीका समस्या, श्रमिक हकहित, वैदेशिक रोजगारीका चुनौती र अवसर तथा नेपालमा सुशासन र वैकल्पिक राजनीतिको आवश्यकता लगायत विषयमा व्यापक छलफल हुनेछ । अधिवेशनमार्फत नयाँ नेतृत्व चयनसँगै आगामी रणनीति समेत तय गरिने जनाइएको छ ।
मलेसियामा रहेका धेरै नेपालीहरुको उपस्थितिले अधिवेशनलाई अझ विशेष, प्रभावशाली र ऐतिहासिक बनाउने अपेक्षा गरिएको आयोजकले बताएका छन् ।
रास्वपाले पछिल्लो समय प्रवास नेपालीमाझ पनि प्रभाव विस्तार गर्दै गएको छ । विशेष गरी युवापुस्तामाझ पार्टीप्रति आकर्षण बढिरहेको भन्दै आयोजक पक्षले मलेसियामा पनि उल्लेखनीय उपस्थिति रहने विश्वास व्यक्त गरेको छ ।
मलेसियामा रहेका विभिन्न जिल्लागत, सामाजिक तथा पेशागत संघसंस्थाका प्रतिनिधिहरू समेत कार्यक्रममा सहभागी हुने जनाइएको छ । अधिवेशनलाई सफल बनाउन स्वयंसेवक टोली, प्रचारप्रसार समिति तथा व्यवस्थापन उपसमितिहरू सक्रिय रूपमा परिचालित भएका छन् ।
संयोजक नेत्र केसीको नेतृत्वमा भइरहेको तयारीलाई लिएर रास्वपा समर्थकमाझ उत्साह देखिएको छ । कार्यक्रमलाई व्यवस्थित, अनुशासित र उपलब्धिमूलक बनाउन सम्पूर्ण टोली दिनरात खटिरहेको जनाइएको छ ।
आयोजकका अनुसार जुन १ मा हुने उक्त अधिवेशनमा उल्लेखनीय सहभागिता रहने अपेक्षा गरिएको छ भने कार्यक्रमलाई मलेसियामा रास्वपाको शक्ति प्रदर्शनका रूपमा समेत हेरिएको छ ।

यो कार्यक्रममा प्रवास विभाग मलेसियाका शाखाहरू जोहोरबारु,पेनाङ मलक्का,सेरम्बान काजाङलगाएतका सबै शाखाका प्रतिनिधिहरूको उपस्थित रहनेछ ।

फेसबुक प्रतिक्रिया
सम्बन्धित शीर्षकहरु