दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

“फुल कन्ट्याक्ट करातेले नेपालमा नयाँ सम्भावनाको ढोका खोलेको छ” — अध्यक्ष बुढाथोकी

न्यूजलाईन्स् मिडिया संवाददाता
प्रकाशित मिति : २०८३ जेष्ठ २५ गते, सोमबार ९:१५

काठमाडौं । नेपाल फुल कन्ट्याक्ट कराते महासंघको आयोजनामा सम्पन्न प्रथम राष्ट्रिय फुल कन्ट्याक्ट कराते प्रतियोगितामा नेपाल आर्मी क्लब र नेपाल एपीएफ क्लबले समान २–२ स्वर्ण पदक जित्दै उत्कृष्ट प्रदर्शन गरेका छन् ।

त्रिपुरेश्वरस्थित राष्ट्रिय खेलकुद परिषद् को कभर्डहलमा आइतबार सम्पन्न प्रतियोगितामा पुरुषतर्फ आर्मीले वर्चस्व जमाउँदा महिलातर्फ एपीएफले उत्कृष्ट खेल प्रदर्शन गरेको हो ।

पुरुष खुला तौल समूहमा आर्मीका अमित महर्जन स्वर्ण पदक जित्न सफल भए भने ५५ केजीमुनि तौल समूहमा आर्मीकै भुपेन्द्रबहादुर ओली पहिलो स्थानमा रहे । त्यसैगरी महिलातर्फ खुला तौल समूहमा एपीएफकी अनिशा तामाङले स्वर्ण जितिन् भने ५० केजीमुनि तौल समूहमा एपीएफकी रिना माझी विजेता बनिन् ।

प्रतियोगिताका विजेताहरूलाई राखेपका कार्यकारी समितिका पूर्व सदस्य भानबहादुर चन्द, राखेप सदस्य जगतसिंह धामीलगायतले पुरस्कार तथा पदक वितरण गरेका थिए । प्रतियोगिताका चारै स्पर्धाका पदक विजेतालाई नगद पुरस्कारसमेत प्रदान गरिएको आयोजकले जनाएको छ ।

नेपाल फुल कन्ट्याक्ट कराते महासंघका अध्यक्ष सूर्य बहादुर बुढाथोकी ले प्रतियोगिताले नेपालमा फुल कन्ट्याक्ट कराते खेलको विकास र विस्तारमा नयाँ ऊर्जा थपेको बताए । उनले भने, “नेपालमा पहिलो पटक राष्ट्रिय स्तरमा आयोजना गरिएको फुल कन्ट्याक्ट कराते प्रतियोगिताले खेलाडीहरूलाई आफ्नो क्षमता प्रदर्शन गर्ने महत्वपूर्ण अवसर दिएको छ ।

यस प्रतियोगिताले भविष्यमा अन्तर्राष्ट्रिय स्तरका खेलाडी उत्पादन गर्न मद्दत पुग्ने विश्वास लिएका छौं ।
अध्यक्ष बुढाथोकीले आगामी दिनमा प्रतियोगितालाई अझ व्यवस्थित, प्रतिस्पर्धात्मक र अन्तर्राष्ट्रिय मापदण्डअनुसार सञ्चालन गर्ने योजना रहेको पनि जानकारी दिए ।

दुईदिने प्रतियोगितामा सातै प्रदेश, नेपाल आर्मी र एपीएफका गरी १ सय २५ खेलाडीको सहभागिता रहेको थियो । प्रतियोगिताले नेपाली कराते खेल क्षेत्रमा नयाँ उत्साह थप्नुका साथै फुल कन्ट्याक्ट करातेको लोकप्रियता बढाउन महत्वपूर्ण भूमिका खेलेको आयोजकको विश्वास छ ।

फेसबुक प्रतिक्रिया
सम्बन्धित शीर्षकहरु