
काठमाडौं । नेपाली फर्निचर क्षेत्रमा गुणस्तरीय उत्पादन र विश्वासिलो सेवामार्फत आफ्नो अलग पहिचान स्थापित गर्न सफल सोफा हब काठमाडौं सफलतापूर्वक छैटौँ वर्ष पूरा गर्दै सातौँ वर्षमा प्रवेश गरेको छ।
यस अवसरमा कम्पनीका अध्यक्ष तारालाल धरेलले ग्राहकहरूको निरन्तर विश्वास, माया र साथ नै संस्थाको सफलताको प्रमुख आधार रहेको बताउनुभयो।
उहाँले भन्नुभयो, “ग्राहकको विश्वास नै हाम्रो सबैभन्दा ठूलो पूँजी हो। यही विश्वासलाई आत्मसात् गर्दै गुणस्तरीय उत्पादन, आधुनिक डिजाइन र उत्कृष्ट सेवामार्फत देशभरका ग्राहकसम्म अझ प्रभावकारी रूपमा पुग्ने हाम्रो प्रतिबद्धता छ। आगामी दिनमा पनि नेपाली फर्निचर उद्योगलाई थप सशक्त बनाउने दिशामा निरन्तर अघि बढ्नेछौं।”
काठमाडौंबाट सुरु भएको सोफा हबले हाल देशका विभिन्न प्रमुख शहरहरूमा आफ्ना शाखामार्फत सेवा विस्तार गर्दै हजारौँ ग्राहकको विश्वास जित्न सफल भएको जनाएको छ। कम्पनीले आगामी दिनमा थप स्थानमा शाखा विस्तार गर्दै गुणस्तरीय फर्निचरलाई देशभर सहज रूपमा उपलब्ध गराउने लक्ष्य लिएको छ।
सातौँ वर्ष प्रवेशको अवसरमा सोफा हब काठमाडौंले सम्पूर्ण ग्राहक, शुभचिन्तक, व्यावसायिक साझेदार तथा सहयोगीहरूप्रति हार्दिक आभार व्यक्त गर्दै आगामी दिनमा अझ उत्कृष्ट सेवा प्रदान गर्ने प्रतिबद्धता दोहोर्याएको छ।


