तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

निर्मलले पुरा गरे मलेसियाको स्कोर म्याराथन

न्यूजलाईन्स् मिडिया संवाददाता
प्रकाशित मिति : २०८३ श्रावण ४ गते, सोमबार ५:१७

नेपालका निर्मल लम्सालले शनिवार मलेसियाको ठुलो एवं प्रतिष्ठित स्कोर म्याराथन पुरा गरेका छन् ।
धारा नेपालगन्ज म्याराथनका तर्फबाट भाग लिएका निर्मलले ३ घण्टा ३५ मिनेटमा ४२.१९५ किलोमिटर दुरी पुरा गरेका हुन् । फिनिसिङ लाइन पुग्नु तीन किलोमिटर पहिले स्वास्थ्य अचानक बिग्रिएपछि दौड पुरा गर्नतर्फमात्र केन्द्रित भएको निर्मलले बताए । वल्र्ड एथ्लेटिक्सको रोड रेस लेबल मान्यताप्राप्त म्याराथनमा दौड्ने अवसर पाउनु नै आफ्नालागि ठुलो उपलब्धि बताउँदै निर्मलले खुशी व्यक्त गरे ।
मलेसियाको राजधानी क्वालालम्पुरदेखि नजिकै पुत्रजयामा भएको स्कोर म्याराथनमा करिब ६० हजार जनाले भाग लिएको बताइएको छ । ४२.१९५ किलोमिटर र हाफ म्याराथन आइतवार आयोजना भयो भने शनिवार ५ किलोमिटर र १० किलोमिटरका इभेन्ट सन्चालन भएका थिए ।
कतिपय धावकले अघिल्लो दिनमा पाँच वा दश किलोमिटर दौडिएर भोलिपल्ट हाफ वा फुल म्याराथन दौडिएका थिए । वल्र्ड रनिङको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस(एम्स)का बोर्ड अफ डाइरेक्टर एवं बाङ्सेन२१ का सिईओ रुटले अघिल्लो दिन दश किलोमिटर पुरा गरेर भोलिपल्ट आइतवार २१ किलोमिटर दुरी २ घण्टा २२ मिनेटमा पुरा गरेको आफ्नो सामाजिक सन्जालमा उल्लेख गरेका छन् । संसारभर दौडको आकर्षण अनपेक्षित बढ्दै गएको बताउँदै उनले दौड्न सुरु नगरेका हरेकलाई आजैदेखि दौड्न सुरु गर्न आग्रह पनि गरेका छन् । शनिवार भएको पाँच किलोमिटरमा नेपालगन्जका गगन थापा र सुरोज थापाले दौडिएर दुरी पुरा गर्दै अनुभव बटुलेका थिए । मलेसियाको स्कोर म्याराथन र नेपालको धारा नेपालगन्ज म्याराथनबीच भगिनी सम्बन्ध छ । धावक, स्वयंसेवक लगायतलाई अवसर र अनुभवका लागि धारा नेपालगन्ज म्याराथनले थाइल्याण्ड, मलेसिया लगायतका अन्तर्राष्ट्रिय स्तरका म्याराथन आयोजकसँग भगिनी सम्बन्ध स्थापित गर्दै आएको छ । धारा नेपालगन्ज म्याराथन भर्खरै नर्वेको ट्रम्सोमा वल्र्ड रनिङको निकै सम्मानित एम्स सोसल अवार्डबाट पुरस्कृत भएको छ ।

फेसबुक प्रतिक्रिया
सम्बन्धित शीर्षकहरु