तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

नेशन्स गट ट्यालेन्ट सिजन–३ : १८० बाल प्रतिभा मेगा अडिसनमा

न्यूजलाईन्स् मिडिया संवाददाता
प्रकाशित मिति : २०८३ आश्विन १६ गते, शुक्रबार १९:२७

काठमाडौं । सातदेखि १३ वर्ष उमेर समूहका चार सय बालबालिकाबाट छनोट भएका १८० प्रतिभा ‘नेशन्स गट ट्यालेन्ट सिजन–३’ को मेगा अडिसनमा प्रतिस्पर्धा गरिरहेका छन्।
एएनपी मिडिया हाउसको आयोजनामा गत वैशाखदेखि विभिन्न स्थानीय तहमा सञ्चालन गरिएको अडिसनमा चार सय बालबालिकाले सहभागिता जनाएका थिए। स्थानीय चरण पार गर्दै १८० प्रतिभा मेगा अडिसनका लागि छनोट भएका हुन्।
किड्स डान्स विधाको मेगा अडिसन बिहीबारदेखि ओएसआर रियालिटी युट्युब च्यानलमार्फत सार्वजनिक हुन थालेको छ। एपीवान स्टुडियोमा छायांकन गरिएको मेगा अडिसनमा निर्देशक तथा कोरियोग्राफर केशव राज भट्ट, कलाकार तथा मोडल राज टाइगर र मोडल कविता न्यौपाने निर्णायकका रूपमा रहेका छन्।
मेगा अडिसनपछि प्रतियोगिता थप सीमित हुँदै जानेछ। आयोजकका अनुसार १८० प्रतिभामध्ये ८० जना मात्र टेलिभिजन राउन्डमा प्रवेश गर्नेछन्। एएनपी मिडिया हाउसका प्रबन्ध निर्देशक लबबहादुर कार्कीका अनुसार निर्णायकको छनोटबाट ६० जना र दर्शकको भोटिङबाट २० जना गरी ८० प्रतिभा छनोट गरिनेछ।
यससँगै स्थानीय तहबाट सुरु भएको बाल प्रतिभाको खोजी अब मेगा अडिसन हुँदै टेलिभिजनको मुख्य प्रतिस्पर्धातर्फ अघि बढेको छ। निर्णायकको मूल्यांकनसँगै दर्शकको मतसमेत निर्णायक बन्ने भएकाले प्रतियोगी बालबालिकाका लागि आगामी चरण थप चुनौतीपूर्ण बन्ने देखिएको छ।
प्रनीमा दाहालले सञ्चालन गरिरहेको शोमा शम्भु प्रसाद रेग्मी संयोजक, अनीता तामाङ प्रशासन प्रमुख तथा लोमशबहादुर कार्की र लबिसकुमार कार्की इभेन्ट म्यानेजर रहेका छन्।
चार सयबाट सुरु भएको प्रतिभा खोजी अब १८० हुँदै ८० प्रतिभाको यात्रातर्फ अघि बढेको छ। मेगा अडिसन पार गर्ने प्रतिभाले टेलिभिजनको मुख्य मञ्चमा आफ्नो कला प्रस्तुत गर्ने अवसर पाउनेछन्।

फेसबुक प्रतिक्रिया
सम्बन्धित शीर्षकहरु