दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

बीमा नियामकको नेतृत्वमा राजन विक्रम थापा, लिए शपथ

सरिता ढकाल
प्रकाशित मिति : २०८३ कार्तिक १९ गते, बिहीबार ९:०५

काठमाडौं, १९ कात्तिक । नेपालको बीमा क्षेत्र नियमन गर्ने प्रमुख निकाय नेपाल बीमा प्राधिकरणले नयाँ नेतृत्व पाएको छ। सरकारले राजन विक्रम थापालाई प्राधिकरणको अध्यक्षको जिम्मेवारी दिएको हो।

थापाको नियुक्तिसँगै बुधबार अर्थ मन्त्रालयमा औपचारिक शपथ कार्यक्रमसमेत सम्पन्न भएको छ। अर्थमन्त्री डा. स्वर्णिम वाग्लेले नवनियुक्त अध्यक्षलाई पद तथा गोपनीयताको शपथ गराएका हुन्।
अध्यक्ष चयनका लागि अर्थ मन्त्रालयले बनाएको समितिले गरेको सिफारिसलाई आधार बनाएर मन्त्रिपरिषद्ले थापाको नाम अनुमोदन गरेको हो। यसअघि थापा नेपाल राष्ट्र बैंकमा कार्यकारी निर्देशकको जिम्मेवारीमा थिए।

केन्द्रीय बैंकमा वित्तीय क्षेत्रको नियमन, जोखिम व्यवस्थापन तथा संस्थागत नीतिसँग सम्बन्धित कामको अनुभव हासिल गरेका थापाबाट बीमा क्षेत्रको नियमन प्रणालीलाई थप प्रभावकारी बनाउने अपेक्षा गरिएको छ।

नयाँ जिम्मेवारी सम्हाल्दै गर्दा प्राधिकरणका अगाडि बीमा कम्पनीहरूको प्रभावकारी सुपरिवेक्षण, बीमितको हित संरक्षण, सुशासन र बीमाको पहुँच विस्तारजस्ता विषय प्रमुख चुनौतीका रूपमा छन्। अध्यक्ष थापाको नेतृत्वमा यी क्षेत्रमा कस्तो नीति र कार्यदिशा अघि बढ्छ भन्नेमा बीमा क्षेत्रको ध्यान केन्द्रित भएको छ।

फेसबुक प्रतिक्रिया
सम्बन्धित शीर्षकहरु