दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

केभिआर समीट च्यालेन्जमा इमानुएल र केल्सी पहिलो

न्यूजलाईन्स् मिडिया संवाददाता
प्रकाशित मिति : २०८३ कार्तिक २२ गते, आईतवार ७:०७

काठमाडौँ, कात्तिक २१ गते । केभिआर समीट च्यालेन्जको नयाँ संस्करणमा शनिबार पुरुषतर्फ फ्रान्सका इमानुएल गौहर र महिलातर्फ अमेरकाकी केल्सी रेक्स पहिलो हुनुभएको छ ।
ट्रेलमान्डु नेपालको आयोजनामा भएको २५ किलोमिटरको रेसमा पुरुषतर्फको विजेता इमानुअलले सबभन्दा चाँडै तीन घन्टा १५ मिनेटमा दौड पूरा गर्नुभयो । क्यानाडाका ब्रायन रोवन्सन तीन घन्थटा ३० मिनेट समय लगातार दोस्रो र नेपालका दावा शेर्पा तीन घन्टा ३५ मिनेट समय लगाएर तेस्रो स्थानमा रहनुभयो ।
महिलातर्फ रेक्सले तीन घन्टा ३२ मिनेट समय लगाउनुभयो । नेपालकी छरङ शेर्पा चार घन्टा तीन मिनेट र अमरिकाकी सोन्या मार्टिन चार घन्टा १३ मिनेसहित दोस्रो र तेस्रो हुनुभयो ।

१० किलोमिटर दौडमा पुरुषतर्फ शीर्ष तीन स्थान अमेरिकी धावकहरुले प्राप्त गरे । कोल्टन विथरेलले (१ः२०.४५ सकेन्ड) पहिलो, क्रिस्टियन ब्रान्डले (१ः२७.०० सकेन्ड) दोस्रो र विल्बर्ट भगले (१ः३८.०० सकेन्ड) तेस्रो स्थान बनाउनुभयो । १० किलोमिटर महिलातर्फ बेलायतकी इमिली भ्रेनले १ घन्टा २३ मिनेट ४० सकेन्ड समयसहित सबैभन्दा चाँडै दौड पूरा गर्नुभयो । फ्रान्सकी गौसर पिउरियरले १ः२६.४० र अमेरिकाकी म्याडी उट्लीले १ः२८.०० सकेन्ड समय लगाएर तेस्रो स्थान बनाउनुभयो ।
२५ किमीको दौड सुर्यचौरबाट सुरु भएर गुर्जे भञ्ज्याङ, शिवपुरी पिक, डाँडा गाउँ, गुर्जे भञ्ज्याङ हुँदै पुन सुर्यचौरमा पुगेर सम्पन्न भएको थियो ।

प्रतियोगितामा नेपाली र विदेशीगरी २५ किमीमा ३३ र १० किमीमा १८ धावकधाविकाले सहभागिता जनाएका थिए । नेपाल ओलम्पिक कमिटीका प्रतिनिधि निरज श्रेष्ठले समापन समारोहमा विजेताहरुलाई पुरस्कार प्रदान गर्नुभयो ।

फेसबुक प्रतिक्रिया
सम्बन्धित शीर्षकहरु