दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

कर्णाली नदीमा अवैध रूपमा ढुङ्गा, गिट्टी, बालुवाको उत्खननमा रोक

न्यूजलाईन्स् मिडिया संवाददाता
प्रकाशित मिति : २०७५ माघ १८ गते, शुक्रबार २०:२४

अत्तरिया: कर्णाली नदीमा अवैध रूपमा ढुङ्गा, गिट्टी, बालुवाको उत्खननमा रोक लगाइएको छ । कर्णाली नदीमा प्रारम्भिक वातावरणीय प्रभाव मूल्याङ्कन  बिनै ढुङ्गा, बालुवा सङ्कलन, उत्खनन भएको पाइएपछि जिल्ला समन्वय समिति कैलालीले उत्खननमा रोक लगाएको हो ।

जिल्ला समन्वय समिति कैलालीका अनुसार कर्णाली नदीमा प्रारम्भिक वातावरणीय प्रभाव मूल्याङ्कन नै नगरी ढुङ्गा, गिट्टी, बालुवा सङ्कलन, उत्खनन तथा घाटगद्दी गरेको पाइएपछि रोक लगाइएको हो ।

समन्वय समितिले अनुगमनको क्रममा आइइई नगरेका ठाउँमा उत्खनन गरी कर्णालीलाई चिरा–चिरा पारिएको पाइएकोले उत्खनन्मा रोक लगाइएको जिल्ला समन्वय समितिका संयोजक सूर्यबहादुर थापाले बताए ।
उहाँका अनुसार आईईई गरेको ठाउँमा उत्खनन गर्न दिइने र आइईई नभएको सबै ठाउँलाई बन्द गरी व्यवस्थित गरिनेछ । थापाका अनुसार कर्णाली पुल चिसापानीदेखि ३ किलोमिटरपरबाट १० किलोमिटरसम्म उत्खनन बन्द गरिएको छ ।

जिल्लाका १३ स्थानीय तहसँग समन्वय गरी यहाँका विभिन्न खोला, नाला, नदीमा अवैध रूपमा सङ्कलन गरिँदै आएको ढुङ्गा, गिट्टी, बालुवा सङ्कलन, उत्खनन बन्द गरिएको समेत संयोजक थापाले जानकारी दिए ।

श्राेतः janasawal.com

फेसबुक प्रतिक्रिया
सम्बन्धित शीर्षकहरु