
काठमाडौं । फागुन २१ । पूर्व संसद तथा नूवाकोटका वामपन्थी नेता गणेश पण्डित आज हृदयघातका कारण निदन भएको छ । नूवाकोटको कबिलास स्थित ब्रह्मक्षेत्रमा लागेको भागबतमाहापुराणको समापन कार्यक्रममा सहभागि हुने क्रममा अचानक हृदयघात भएको थियो । ब्रह्मक्षेत्रमा रहेको गुफा हेरेर फर्कने क्रममा उहाँलाई हृदयघात भएको भागवत आयोजनक समितीका शिवराम घिमिरेले जानकारी दिए । हृदयघातपछि पण्डितलाई एवुलेन्समा काठमाण्डौ ल्याउने क्रममा बाटैमा निधन भएको बताइएको छ । अहिले उहाँको पार्थीब शरिरलाई त्रिवि.वि शिक्षण अस्पताल महाराजगंजमा राखिएको छ ।न्युजलाइन्स मिडिया परिवार मृत आत्माको चिर शान्तिको कामना गर्दै यस दुखद् घडीमा सम्पूर्ण शोक सन्तप्त परिवारजनप्रति हार्दिक समवेदना व्यक्त गर्दछौँ


