
काठमाडौं, २७ फागुन । इथियोपिया विमान दुर्घटनामा मृत्यु हुने नेपाली गोरखाकी एकता अधिकारी रहेको पुष्टि भएको छ। एकता इथियोपियास्थित संयुक्त राष्ट्र संघअन्तर्गतको विश्व खाद्य कार्यक्रममा कार्यरत रहेको गैरआवासीय नेपाली संघ (एनआरएनए) स्रोतले जनाएको छ ।
इथियोपियाको अदिस अबाबास्थित विश्व खाद्य कार्यक्रम कार्यालयमा सप्लाई चेन अफिसरका रुपमा कार्यरत एकता २ वर्ष अघिसम्म नेपालकै विश्व खाद्य कार्यक्रमसम्बद्ध रहेर काठमाडौंमा कार्यरत थिइन्।
उनी खाद्य कार्यक्रमअन्तर्गत इथियोपियाको राजधानी अदिस अबाबाबाट केन्याको नैरोबीमा आयोजित एक कार्यक्रममा सहभागी हुन त्यसतर्फ जाँदै गरेको खुलेको छ। जनसवालडटकममा समचार छ।


