दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

झापा गोल्डकपको उपाधिमा त्रिभुवन आर्मी क्लबले हात मा

न्यूजलाईन्स् मिडिया संवाददाता
प्रकाशित मिति : २०७५ फाल्गुन २७ गते, सोमबार २२:३५

फागुन २७ झापा
झापा गोल्डकपको उपाधिमा त्रिभुवन आर्मी क्लबले हात पारेको छ । आयोजक झापा ११ लाई ५–३ गोल अन्तरले हराउँदै उपाधि हात पारेको हो । आर्मीले पहिलो र तेश्रो संकरणसमेत जीतेको थियो । आर्मीले उपाधीमा ह्याट्रिक गर्दा आयोजक टिम पनि ती वटै संस्करणमा उपविजेता बनेको छ ।
जीतसँगै आर्मीले १२ लाख हात पारेको छ । उपविजेता आयोजकले ६ लाख हाप पा¥यो ।
खेलको २४ औ मिनेटमा सन्तोष तामाङले फ्रि किक मार्फत आर्मीको लागि गोलको खाता खोलेका थिए । त्यसको ९ मिनेट बित्न नपाउँदै कप्तान भरत खवासले झापाका गोलरक्षक दिनेश थापामगर बीट भएको अवस्थामा गोल गर्दै अग्रता दोब्बर पारे ।
खेलको ७५ औ मिनेटमा युद्ध शाहिको लामो पासलाई नवयुग श्रेष्ठले गोल गरेका थिए । ८३ औं मिनेटमा झापाका डिफेन्सहरुको गल्तीमा फाइदा उठाउँदै गोलकिपर मात्र भएको अवस्थामा सन्तोष तामाङले ब्यक्तिगत दोस्रो तथा टीमका लागि चौथो गोल गरे ।
९० मिनेटको खेलमा ४–२ गोल भएपछि थपिएको समयमा आर्मीका टेकबहादुर बुढाथोकीले थप गोल गरे ।
पहिलो हाफको इन्ज्युरी समयमा झापाका लागि बिदेशी खेलाडी फ्रान्सिस ओएमीले गोल गर्दै झापालाई खेलमा फर्किन सक्ने आशा जगाएका थिए ।

दोस्रो हाफमा आक्रामक खेल प्रस्तुत गरेको झापाका लागि योगेश गुरुङले ५५ मिनेटमा डि एरियाभित्र पाएको पासलाई गोल गर्दै झापालाई खेलमा फर्काएका थिए । २ गोलले अग्रता लिएको आर्मीले दोस्रो हाफमा रक्षात्मक खेल प्रस्तुत गरिरहेको भएपनि स्कोर बराबरी भएपछि आक्रमणमा उत्रिएको थियो ।
त्यसको ३ मिनेट बित्न नपाउँदै झापाका लागि बिदेशी खेलाडी भिक्टोर अमोवीले गोल फर्काउँदै नतिजा ५–३ बनाए । फाइनल खेलको म्यान अफ द म्याच आर्मीका सन्तोष तामाङ घोषित भए । उनले नगद १५ हजार पाए ।

प्रतियोगितामा उदियमान खेलाडीको पुरस्कार झापाका निशान्त खड्काले पाए । सर्वाेत्कृष्ठ गोलकिपर बिकेश कुथु, उत्कृष्ठ डिफेन्स देवेन्द्र तामाङ, उत्कृष्ठ मिडफिल्डर पुजन उपरकोटी घोषित भए । प्रतियोगितामा सर्वाधिक गोलकर्ताको पुरस्कार आर्मीका नवयुग श्रेष्ठले पाए । बेष्ट कोच अफ द टुर्नामेन्ट आर्मीका चुनबहादुर थापा भए । उनीहरुले जनही २५ हजार रुपैंयाँ पुरस्कार पाए । बिर्तामोडको इष्टर्न फिस कर्नरले उदियमान खेलाडीको रुपमा १५ हजार रुपैंयाँको पुरस्कार सञ्जोग राईलाई प्रदान ग¥यो ।

मष्ट भ्यालुएबल प्लेयर अफ द टुर्नामेन्ट मगमग झापा ११ का मिडफिल्डर दिलेन लोक्ताम घोषित भए । उनले यामाहा कम्पनिको मोटरसाइकल पाए । आयोजकले लाइफटाइम एचिभमेन्ट अवार्ड नरेन्द्रकुमार लिम्बुलाई प्रदान गरेको छ । लिम्बुले पनि यामाहा कम्पनिको मोटरसाइकल पाए ।
प्रतियोगिताका समापनका अवसरमा पुर्व फुटबल खेलाडी गम्भिर राई र सीता खवासलाई सम्मान गरिएको थियो । उनीहरुलाई नगद २५ हजार सहित सम्मान गरेको आयोजक समितिका संयोजक महेन्द्र गिरीले जानकारी दिए । लालखबर बाट

फेसबुक प्रतिक्रिया
सम्बन्धित शीर्षकहरु