तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

नेपाल र जापानबीच श्रम सम्झौता-पत्रमा हस्ताक्षर

न्यूजलाईन्स् मिडिया संवाददाता
प्रकाशित मिति : २०७५ चैत्र १२ गते, मंगलवार ९:४८

चैत १२,काठमाडौ । नेपाल र जापानबीच श्रम सम्झौता-पत्रमा हस्ताक्षर भएको छ।

कामदार आपूर्ति बारे सहकार्यको समझदारी एमओसीमा दुई देशबीच आज हस्ताक्षर भएको हो। सम्झौता-पत्र अनुसार जापान जाने नेपाली कामदारले जापानी श्रमिक सरह सेवा सुविधा पाउने छन्।

श्रम, रोजगार तथा सामाजिक सुरक्षा मन्त्री गोकर्ण विष्टको उपस्थितिमा मन्त्रालयका सचिव महेश प्रसाद दाहाल र नेपालका लागि जापानी राजदूत मासामिची साइगोले सम्झौता पत्रमा हस्ताक्षर भएको हो।

आउँदो अप्रिलदेखि नै कामदार भर्ना गर्ने जापानको तयारी छ। समझदारी पश्चात अब दुई देश सम्मिलित प्राविधिक कमिटी गठन हुनेछ। कमिटीले थप प्राविधिक विषयमा छलफल गर्नेछ। जापान रोजगारीमा जानका लागि एन फोर भाषा परीक्षा उत्तीर्ण हुनुपर्नेछ।

वर्षमा बढीमा ६ पटकसम्म भाषा परीक्षा सञ्चालन हुनेछ। जापानले कृषि, मत्स्यपालन, औद्योगिक क्षेत्र, होटल, रेस्टुरेन्ट, पर्यटन व्यवसायमा नेपाल, चीन, इन्डोनेसिया लगायतका नौ देशका युवा श्रमिकलाई रोजगारीको अवसर दिने गरी यो कार्यक्रम जापानले शुरू गरेको हो।

फेसबुक प्रतिक्रिया
सम्बन्धित शीर्षकहरु