दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

बारा र पर्सामा आइतबार बेलुका आएकाे हावाहुरी र असिना–पानीका कारण मृत्यु हुनेकाे स‌ंख्या ३ दर्जन भन्दा माथि सयाैँ संख्यामा घाइते

न्यूजलाईन्स् मिडिया संवाददाता
प्रकाशित मिति : २०७५ चैत्र १८ गते, सोमबार १०:४४

चैत १८ बारा
तराईका जिल्लाहरु बारा र पर्सामा आइतबार बेलुका आएकाे हावाहुरी र असिना–पानीका कारण मृत्यु हुनेकाे स‌ंख्या ३ दर्जन नाघेकाे छ ।

आइतबार साँझ परेको मेघगर्जन र हावाहुरीसहित असिनापानीका कारण बारा र पर्सामा कम्तीमा पनि २५ जनाकाे मृत्यु भएकाे छ भने सयाैँ संख्यामा घाइते भएका छन।

प्रधानमन्त्री केपी शर्मा ओलीले बारा र पर्सामा २५ जनाकाे ज्यान गएकाे जानकारीमा आएकाे भन्दै उद्धारमा खट्न निर्देशन दिनुभएकाे छ । उहाँका अनुसार ४०० भन्दा बढी घाइते भएको पुष्टि गरिएकाे छ ।

उहाँले बिहानैबाट आवस्यक उद्धार र राहतका लागि हेलिकप्टर तयारी अवस्थामा राखिएको जानकारी दिँदै राति नै अर्काे ट्विट गर्नुभएकाे थियाे, ‘मौसमले साथ दिएमा तत्काल उद्धार गर्न काठमाडौंको एयर बेसमा नाईट भिजन हेलिकप्टर तयारी अवस्थामा राखिएको छ । सुरक्षाकर्मी संगै उद्दारमा संलग्न रहन म, सिंगो पार्टी पंक्तिलाई आह्वान गर्दछु ।’

यद्यपि राति अबेरसम्म हावाहुरी र असिनापानी बर्सिएकाले क्षतिकाे वास्तविक विवरण अझै आउन बाँकी छ । घाइतेकाे र मृतककाे संख्या बढ्नसक्ने जनाइएकाे छ ।

कैयाैँ घरका छाना उडेका छन् भने भित्ता ढलेका । बिजुलीका पाेल र रुख समेत ढलेका छन् । बिजुलीबत्ती समेत अवरुद्ध भएकाे प्रहरी अधिकारीहरुले जनाएका छन् ।

प्रहरीका अनु्सार राति १ बजेसम्म मृत्यु हुनेकाे संख्या २७ पुगेको छ भने घाइतकाे संख्या ५०० नाघेकाे छ । सबैभन्दा बढी बारामा धनजनकाे क्षति भएकाे छ ।

पछिल्लाे अपडेटअनुसार घाइतेहरूको उद्धार गरी वीरगंज पुर्याइएकाे छ । उनीहरुकाे नारायणी उपक्षेत्रीय अस्पताल लगायतमा उपचार भइरहे पनि कति बिरामीका लागि बेड अभाव देखिएकाे छ ।

घाइतेहरुकाे उद्धार, उपचार तथा राहतका लागि नेपाली सेना, प्रहरी र सशस्त्र प्रहरीको टाेली ठूलो संख्या खटिएको छ ।

फेसबुक प्रतिक्रिया
सम्बन्धित शीर्षकहरु