तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

राष्ट्र बैंकको अनुमतिबिना बै‌ंक र वित्तीय संस्थाले विदेशी पुरस्कार लिन नपाउने

न्यूजलाईन्स् मिडिया संवाददाता
प्रकाशित मिति : २०७४ पुष १२ गते, बुधबार १४:३९
राष्ट्र बैंकको अनुमतिबिना बैंक तथा वित्तीय संस्थाले विदेशी निकायबाट पुरस्कार वा सम्मान थाप्न नपाउने भएका छन्। राष्ट्र बैंकले मंगलबार परिपत्र जारी गरी यस्तो निर्देशन दिएको हो। केही वर्षयता बैंक तथा वित्तीय संस्थाले मनपरी ढंगले विदेशी निकायबाट पुरस्कार र सम्मान थाप्ने क्रम बढेपछि राष्ट्र बैंकले पुरस्कार र विदेश भ्रमणमा कडाइ गरेको हो। ‘बैंक तथा वित्तीय संस्थाले प्रत्यक्ष वा अप्रत्यक्ष रूपमा आर्थिक सहायता, चन्दा वा अन्य कुनै पनि प्रकारको शुल्क वा वित्तीय योगदान गरेको आधारमा मात्र सोको प्रतिफलस्वरूप कुनै पनि विदेशी निकायबाट पुरस्कार वा सम्मान ग्रहण गर्न नपाइने,’ राष्ट्र बैंकको निर्देशनमा भनिएको छ।
पछिल्ला वर्षहरूमा बैंक तथा वित्तीय संस्थाले विदेशी निकायबाट पुरस्कार वा सम्मान लिने र त्यसकै आधारमा उत्कृष्ट बैंकका रूपमा प्रचार गरी व्यवसाय विस्तार गरिरहेकाले नियन्त्रणका लागि राष्ट्र बैंकले नयाँ निर्देशन जारी गरेको हो। विदेशी निकायबाट पुरस्कार वा सम्मान लिनैपर्ने अवस्था आए राष्ट्र बैंकबाट पूर्वस्वीकृति लिनुपर्ने परिपत्रमा उल्लेख छ। कुनै पनि विदेशी निकायबाट पुरस्कार वा सम्मान ग्रहण गर्नुपर्दा यस बैंकको पूर्वस्वीकृति लिनुपर्नेछ,’ निर्देशनमा उल्लेख छ, ‘यसरी स्वीकृति लिँदा पुरस्कार वा सम्मान प्रदान गर्ने विदेशी निकायको वैधानिक हैसियत एवं आधिकारिकता पुष्टि हुने कागजात यस बैंकमा पेश गर्नुपर्नेछ।’-कान्तिपुर दैनिक
फेसबुक प्रतिक्रिया
सम्बन्धित शीर्षकहरु