
किशोर सेढाई ।
वैशाख १८, काठमाडौं । अन्तराष्ट्रिय मई दिवसको अवसर पारेर आज परराष्ट्रविद तथा पुर्व राजदूत हिरण्यलाल श्रेष्ठद्धारा लिखित पुस्तक एक व्यक्ति अनेक दृष्टिको विमोचन साथै हिरण्य अन्तराष्ट्रिय पुस्तकालयको उद्वघाटन गरिएको छ ।
उदघाटन तथा लोकार्पण समारोहका प्रमुख अतिथी संस्कृतिविद सत्यमोहन जोशीले भगवान शिवको पावन भुमि शिवपुरी र भगवान नारायणको प्रतिमुर्ति रहेको बुढानिलकण्ठको यस पावन भूमिमा आज हिरण्यलाल श्रेष्ठको एकल प्रयासमा हिरण्य अन्तराष्ट्रिय मैत्री पुस्तकालयको उद्वघाटन र हिरण्यलाल श्रेष्ठद्धारा लिखित पुस्तक “एक व्यक्ति अनेक दृष्टि” विमोचन गर्ने अवसर पाएकोमा आफु गोराविंत भएको बताउनु भयो । 
संस्कृतिविद जोशीले हिरण्यलाल श्रेष्ठको नेवारी परम्परा अनुसार आजको दिनमा जंकु गरिएकोमा हिरण्यलाल श्रेष्ठ आजको दिनबाट मनुष्यगणबाट देवगणमा प्रवेश गरेकोमा उहाँलाई बधाई तथा शुभकामना समेत दिनु भयो ।
यसैगरी पुस्तक लोकार्पण कार्यक्रममा बोल्दै बुढानिलकण्ठ नगरपालिकाका प्रमुख उद्धव खरेलले आफनो नगरपालिकामा यस खालको अन्तराष्ट्रिय पुस्तकालयको स्थापना हुनु समग्र नगरवासीको लागि गौरवको विषय भएको बताउँदै भविस्यमा यस पुस्तकालयको स्तरउन्नतिमा सहयोग गर्ने बताउनु भयो ।
कार्यक्रमलाई सम्बोधन गर्दै हिरयण्लाल श्रेष्ठले यो अन्तराष्ट्रिय पुस्तकालयको रुपमा आफनो निजी सम्पति सार्वजनिक गर्दै आजको दिन संस्कृतिविद, लेखक , प्राध्यापक, कलाकार र पत्रकारहरुको संगम रहेको बताउनु भयो ।
अमेरिका निवासी श्रेष्ठकी दिदी पूर्णलक्ष्माी श्रेष्ठको सभापतित्वमा भएको पुस्तक लोकर्पण तथा पुस्तकालयको उदघाटन समारोहमा श्रेष्ठलाई मकवानपुर समाज ,काठमाडौं महानगरपालिका वडा नं २३, योगी नरहरिनाथ ट्रष्ट र श्रीहनुमान आराधना मण्डल आदि संघसंस्थाले अभिनन्दन समेत गरेका थिए ।
हिरण्य अन्तराष्ट्रिय मैत्री पुस्तकालयमा नेपाल परिचय, बुद्धिजम,मानव अंहिसा,नागरिकता,भाषा , जाति , वैदिैशिक नीति,एनआरएनए नेपालमा वैदैशिक लगानी,नोपलको ब्यापार पारबहन,वैदैशिक रोजगार,
विभिन्न सन्धि सम्झौता,इयू, माओवादीद्धन्द,नेपालको परराष्ट्र नीति सम्बन्धी संग्रहीत दस्ताबेज, नेपाली सेनाको सुरक्षा नीति,राजनैतिक विषय राजा,पन्चायत र रापपा लगायत पठनयोग्य पुस्तक र एक सय पचास भन्दा बढी दस्ताबेजहरु संग्रहीत रहेका छन ।
नेपालको परराष्ट्र नीति, नेपालबारे जानकारी लिन चाहने विद्यार्थी तथा पीएसडी विद्यार्थीहरुको लागि यो पुस्तकालय उपयोगी हुन सक्दछ ।


