दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

नवलपरासीमा पहिलो पटक आधुनिक मेसिनद्धारा क्षयरोग परिक्षण

न्यूजलाईन्स् मिडिया संवाददाता
प्रकाशित मिति : २०७४ पुष १८ गते, मंगलवार १८:०१

परासी- नवलपरासीमा पहिलो पटक क्षयरोग (टि.बी) पत्ता लगाउने आधुनिक मेसिन जडान भएको छ । नेपाल सरकारले जिल्ला पृथ्वीचन्द्र अस्पतालमा क्षय रोगको किटाणुको जिन पत्ता लगाउन आधुनिक मेसिन जडान गरेको हो । सरकारको सहयोगमा अस्पतालले क्षयरोगका विरामीहरुको पहिचान गर्न र किटाणु पत्ता लगाउन जिल्लामै पहिलो पटक जिन ईक्सपर्ट मेसिन ४ मोडुल नामक आधुनिक मेसिन जडान गरि आजै देखि नै क्षयरोगको परिक्षण सुरु गरेको अस्पताल विकास समितिका अध्यक्ष सन्तोष कुमार श्रीवास्तवले बताए ।

विदेशबाट आयात हुने ५० लाखको यो मेसिन सरकारले ५० प्रतिशत अनुदानमा खरिद गरि यस अस्पतालमा जडान गरेको हो । एकै पटकमा ४ जना विरामी चेक गर्ने यस आधुनिक मेसिनबाट निशुल्क रुपमा विरामीहरुलाई चेकजाँच गरिने समितिका अध्यक्ष श्रीवास्वतले बताए । क्षयरोग परिक्षण गराउन आउने विरामीहरुलाई दुरीको हिसाबले यातायात खर्च समेत उपलब्ध गराईने जिल्ला स्वास्थ्य कार्यालयले जनाएको छ ।

बाहिर यस मेसिनबाट क्षयरोग परिक्षण गराउँदा प्रति व्यक्ति २ देखि ४ हजार सम्म खर्च लाग्ने छ तर यस अस्पतालले निशुल्क रुपमा उक्त परिक्षण गरि औषधी समेतको व्यवस्था मिलाउने बताएको छ । विगतका दिनहरुमा क्षयरोगको रिपोर्ट आउन २ देखि ४ महिनासम्म कुर्नु पर्थयो तर यस आधुनिक मेसिनले २ घण्टामै रोग पत्ता लगाउन साथ किटाणु समेत पत्ता लगाउन मद्दत गर्ने राष्टिय क्षयरोग केन्द्रका स्टोर ईन्चार्ज कमल भटराईले बताए ।

स्टोर ईन्चाज भटराई, माईक्रो बायोलोजिस्ट आईसा अंसारी र ईलेक्टोनिक्स ईन्जिनियर सितला रंजितकारको टोलीले अस्पतालमा जडान गरेको उक्त मेसिनबाट विरामी चेकजाँच गर्ने तरिका समेत सिकाएका हुन् । यो मेसिन सरकारले क्षयरोग कार्यक्रम रहेको जिल्ला र ठाउँमा मात्र गरि देशभरिमा ५० ठाउँमा मात्र जडान गरेको बताइएको छ । आर्थिक वर्ष २०७४, ०७५ को श्रावण देखि कार्तिक महिनासम्म जिल्लामा कुल ३ सय ८२ जना क्षयरोगका विरामी भेटिएको जिल्ला स्वास्थ्य कार्यालयले जनाएको छ । नवलपरासी जिल्ला क्षयरोगको उच्च जोखिममा पर्दछ । खासगरि हाईवे क्षेत्र यस रोगको जोखिममा छ ।

फेसबुक प्रतिक्रिया
सम्बन्धित शीर्षकहरु