
६,असार, धादिङ
धादिङको गल्छी गाउँपालिकामा भएको बोलेरो दुर्घटनामा ज्यान गुमाउनेको संख्या ५ पुगेको छ । शुक्रबार गल्छी–६ बाजगाउँबाट बैरेनी हाइवेतर्फ गईरहेको बा १८ च ९४०८ नम्बरको बोलेरो दुर्घटना घाईते भएकी २१ वर्षीय सबिता अधिकारीलाई उपचारको लागी काठमाण्डौतर्फ लैजाने क्रममा बाटोमा नै मृत्यु भएपछि मृत्यु हुनेको संख्या ५ पुगेको हो ।
यसअघि ४ जनाको घटनास्थल मै ज्यान गएको थियो । घटनास्थलमा ज्यान गुमाउनेमा गल्छी गाउँपालिका ४ का ३८ वर्षीय राजु रम्तेल, सोही ठाउँका ३२ वर्षीय सेतु मिजार, गल्छी ६ की ३० वर्षीया कान्छी भुजेल र सोही ठाउँकी २५ वर्षीय नानु तामाङ रहेका छन् ।
दुर्घटनामा १० जना घाइते भएको प्रहरीले जनाएको छ ।
गल्छी अस्पतालमा सामान्य उपचारपश्चात थप उपचारको लागी ट्रमा सेन्टर रिफर गरिएकाहरुमा गल्छी गाउँपालिका–४ बस्ने ६२ वर्षीय विष्णु अधिकारी, सोही ठाउँ बस्ने ३५ वर्षीय सुनिता मिजार, २३ वर्षीय सुजिता अधिकारी, १५ वर्षीय सन्तोष रम्तेल, ७० वर्षीय कृष्ण सार्की, २८ वर्षीय रेनु भण्डारी, ३५ वर्षीय राम कृष्ण प्याकुरेल लगायत नाम थर नखुलेका ३ जनाको अवस्था गम्भिर रहेको प्रहरीले जनाएको छ ।


