
बुटवल – सिद्धार्थ राजमार्गको बुटवल पाल्पा सडक खण्ड साँझ ६ बजेबाट सञ्चालनमा आएको छ ।दिउँसो केही घण्टा एकतर्फी यातायात सञ्चालन हुँदा पहिरो पन्छाउन वाधा परेकाले २ बजेदेखि ६ बजेसम्मका लागि सवारीसाधन सञ्चालनमा रोक लगाइएको थियो ।
दोभान हेडबक्स नजिकै खसेको ढुङ्गे पहिरो हटाएपछि सडक सञ्चालनमा आएको हो । सडक डिभिजन कार्यालयले डोजर र ह्याबी ईकुमेन्ट लगाएर पहिरो हटाएको थियो ।
सडक खण्ड अबरुद्ध हुदाँ हजारौं यात्रु हलपत्र परेका थिए । यो सडकसडकमा झरेका ठूलाठूला ढुंगा पन्छाउन पहिरोको दुबैतर्फ २ वटा डोजरले काम गरेको दोभान प्रहरी चौकीका ईन्र्चाज वाल बहादुर घर्ती मगरले जानकारी दिए ।शनिबार दिउँसो साढे २ बजे तिनाउ गाउँपालिका ३ हेडबक्स नजिकै पहिरो खस्दा ढुंगाले उछिट्याएर मोटरसाइकलमा सवार पाल्पा मित्यालका ३२ वर्षीय धनबहादुर सुनारीमगरको मृत्यु भएको थियो ।
सडकमा ढुंगे पहिरो खसेका कारण बुटवल पाल्पा खण्ड सडक झण्डै २० घण्टा पूर्णरुपमा बन्द भएको थियो ।


