
काठमाडौ । लोकप्रिय गायक पशुपति शर्मा र सीता श्रेष्ठको “बैमानीले ढाँट्यो” बोलको तीज गीत सार्वजनिक भएको छ । गीतलाई गायक पशुपति शर्माको युटयुबबाट सार्वजनिक गरिएको छ । गायक पशुपति शर्माको नै शब्द तथा संगीत रहेको उक्त गीतमा कृष्ण बि.क. भान्जाको एरेंज रहेको छ । बैंश , पैसा र मायाको भाव समावेश गरिएको उक्त गीतमा मायालुले बैमानी गरेको र कलेजी फाटेको कुरा गरिएको छ ।रञ्जिता गुरुङ, श्रीकृष्ण वम मल्ल, पशुपति शर्मा, नरेश खाती,राजु ढकाल, बैकुण्ठ महत र सीता श्रेष्ठको अभिनय रहेको उक्त गीतको भिडियो दुर्गा पौडेलले छाँयाकन गरेका हुन् । चर्चित कलाकारहरुको निकै राम्रो नृत्य रहेको उक्त गीतको भिडियोमा पशुपति शर्मालाई रञ्जिता गुरुङ फकाउँदै देख्न सकिन्छ । दुर्गा पौडेलको निर्देशनमा तयार भएको गीतको भिडियोलाई नविन घर्ति मगरले संपादन गरेका हुन् । गीतको भिडियोमा ग्रिमन सोमन कुमारको कोरियोग्राफी रहेको छ ।


