
काठमाडौं, ११ साउन । गैरआवासीय नेपाली संघ (एनआरएनए) बहराइनको सातौँ महाधिवेशनले लक्ष्मी गिरिको अध्यक्षतामा नयाँ कार्यसमिति निर्विरोध निर्बाचित गरेको छ । निर्वाचित कार्यसमितिले नेपालीहरुको प्रमुख श्रम गन्तव्यमध्यको एक बहराईनमा आगामी दिनमा थप सशक्त र प्रभावकारी ढंगले कामदारको मुद्दामा सक्रिय रहने बताएको छ ।

निर्वाचित हुनेहरुमा प्रथम उपाध्यक्षमा प्रेम बहादुर क्षेत्री, द्धितिय उपाध्यक्ष अमर श्रेष्ठ, महिला उपाध्यक्ष कृष्ण कुमारी गुरुङ, महासचिवमा राजुकुमार श्रेष्ठ, सचिवमा राजु खत्री, कोषध्यक्षमा विष्णुप्रसाद आचार्य, सह कोषाध्यक्षमा देबेन्द्र गिरी महिला संयोजकमा लक्ष्मी क्षेत्री तथा युवा संयोजकमा तिर्थबहादुर भण्डारी रहेका छन् भने पर्यटन संयोजकमा सुशिल भण्डारी निर्वाचित भएका छन् । यस्तै निर्वाचित सदस्यहरुमा दिप विक्रम राना, तिलकबहादुर कार्की, कमला सुनार विक, रविन केसी र संगीता खत्री रहेका छन् ।
उक्त अधिबेशनमा एनआरएनए उपाध्यक्ष कुमार पन्त, एनआरएनए सचीव डिबि क्षेत्री, एनआरएनए आईसीसी सदस्य मनोज गोर्खाली, कल्याण श्रेष्ठ, राजु सैयद, सुदिप कार्की, दुर्गा गिरिलगायतको उपस्थिति रहेको थियो । उपस्थित अतिथिहरुले निर्बिरोध निर्बाचित नयाँ कार्यसमितिको पुर्ण कार्यकालको सफलताको कामना गर्दै शुभकामना ब्यक्त गरे ।
नबनिर्बाचित अध्यक्ष लक्ष्मी गिरिले बहराईनमा रहेका सबै संघ संस्थाहरुसङ्ग सहकार्य गरेर अगाडी बढने बताईन । उनले आफ्नो कार्यकालमा आफुले गर्ने कार्ययोजनाहरु बतायकी थिईन गिरिले बहराईनमा रहेका नेपाली कामदारहरु र हाउसमेडहरुको हकअधिकारको लागि काम गर्ने बताईन । उनले नेपाली राजदुताबास र नेपाल सरकारसङ्ग सहकार्य गर्दै कामदारको समस्या समाधानका लागी अगाडी बढने बताईन । गिरिले नेपाल र बहराईन बिच सिधा हवाईसेवा नहुदा धेरै समस्या परेको जनाउदै हवाईसेवा खुलाउन पहल गर्ने बताईन ।


