दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

बाढि, पहिरो पीडितहरुलाई वितरणको लागि एक लाख बराबरको सहयोग सामाग्री हस्तान्तरण

न्यूजलाईन्स् मिडिया संवाददाता
प्रकाशित मिति : २०७६ श्रावण १४ गते, मंगलवार २२:१७

काठममाडौ, १४ साउन । नेपाली कांग्रेसका युवा नेता तथा समाजसेवीद्धय क्षितिज भण्डारी र अनन्त श्रेष्ठले बाढीपहिरो क्षेत्रका महिला र छात्राहरुलाई निःशुल्क महिनावारी हुँदा प्रयोग गर्ने सेनेटरी प्याड र बालबालिकाको लागि डाइपर सहयोग हस्तान्तरण गरिएको छ ।
मंगलबार रिपोर्टर्स क्लब नेपालमा लायन्स क्लब ठमेल युनाईटेड, लायन्स क्लब इभिजा र नेपाल राष्ट्रिय मोडलिङ संघले संयुक्त रुपमा पत्रकार सम्मेलनको आयोजना गरेर उक्त सहयोग सामाग्री हस्तान्तरण गरेका हुन् ।
नेपाल राष्ट्रिय मोडलिङ संघ तथा ठमेल लायन्स क्लब युनाइटेडका अध्यक्ष दिनेश शाही र लायन्स क्लब इभिजाका अध्यक्ष रोशन कुमार झा, रसलाईट मिडियाका रमिता भण्डारी, रेक्स फेसन होमका खगेश रञ्जिकारको पहलमा उक्त सामाग्री हाँस्यकलाकार जोगेन्द्र पानवालालाई हस्तान्तरण गरिएको हो ।
तराई र पहाडामा हालै गएको बाढी, पहिरोले छात्राहरुलाई महिनाबारी हुँदा परेको समस्याबाट मुक्त पार्न प्याड तथा घरबारबिहीन अवस्थामा आमाहरुले शौचालयको अभावमा कलिला बालबालिका दिसापिसाब गराउन पानी र साबुनको अभावमा रोग र महामारीको संभावना झेलिरहेकोले एक लाख रुपैयाँ बराबरको डाईपर वितरण गर्न आज सामाग्री हस्तान्तरण गरिएको हो ।
राहत सामाग्री हस्तान्तरणमा सहयोग गर्ने संस्थाहरुमा लायन्स क्लब अफ काठमाडांै, ठमेल युनाईटेड, ईबिजा, नेपाल डिस्ट्रीब्युटर्स प्रालि, रसलाईट मिडिया र नेमोस केन्द्रीय रहेका छन् । उक्त राहत सामाग्री मध्ये ५० हजारको राहत चर्चित हाँस्यकलाकार जोगिन्दर पानवालामार्फत सर्लाहीको सरस्वती उमावि हजरिया र श्री निम्न माध्यामिक बिद्यालय पिपराभित्तामा वितरण गरिने जनाइएको छ ।
साथै, एक लाख नगदसहित ५० हजारको सामाग्री गुल्मी जिल्लाका पहिरो पीडितलाई पूर्व सभासद तथा कांग्रेस केन्द्रिय सदस्य चन्द्र भण्डारीमार्फत वितरण गरिनेपनि कार्यक्रममा जानकारी गराइएको छ ।

कार्यक्रममा नेताद्धय क्षितिज भण्डारी र र अनन्त श्रेष्ठले लायन्स क्लबकोे राहत सहयोग २० लाख बराबरको जुटाउने प्रयासमा आफ्नो तर्फबाट ५० हजार डाईपर र प्याडको राहत बितरण गरिने जानकारी गराए । उनीहरुले आफुहरुले उपलब्ध गराएको उक्त राहत सामाग्रीलाई बास्तविक पीडितसम्म पु¥याई सहयोग गरिदिन पनि आग्रह गरे ।

कार्यक्रममा लाइन्स ठमेल इभिजा क्लबका अध्यक्ष रोसन कुमार झा, समाज जनरल अस्पतालकी अध्यक्ष उमा दाहाल, नेपाल राष्ट्रिय मोडलिङ संघका प्रवक्ता खगेस रन्जीतकार, अनन्त श्रेष्ठ, जोगेन्दर पानवाला, नेपाल राष्ट्रिय मोडलिङ संघका केन्द्रीय अध्यक्ष दिनेश शाही लगायतको उपस्थिति रहेको थियो । कार्यक्रममा प्रदेश नम्बर २ का मुख्यमन्त्री लालबाबु राउतलाई सम्मान प्रदान गरिएको थियो ।

फेसबुक प्रतिक्रिया
सम्बन्धित शीर्षकहरु