
काठमाडौं ।लोकप्रिय गायक खुमन अधिकारी र समिक्षा अधिकारीको “आगनमा भैलेनि” बोलको गीत सार्वजनिक भएको छ । गीतलाई हिम सजौता डिजिटलको युटयुबबाट सार्वजनिक गरिएको छ । नन्दराम परियारको शब्द रहेको उक्त गीतमा बिष्णु न्यौपानेको संगीत रहेको छ भने केशव बडुको एरेंज रहेको छ । गाउँ घर नहलि मज्जा नहुने कुरा गरिएको उक्त गीतमा सबैलाई पिर नमानी बस्न आग्रह गरिएको छ ।
धु्रव हिमाली , सुप्रिया कटुवाल , जीत सरु मगर र सर्मिला अधिकारीको अभिनय रहेको उक्त गीतको भिडियो हरिस महराले छायाँकन गरेका हुन् । तिहारको परिवेश प्रस्तुत गरिएको उक्त गीतको भिडियोमा सबै जनालाई रमाईलो गर्दै र निकै राम्रो नृत्य गर्दै देख्न सकिन्छ । मौसम हिमालीको निर्देशनमा तयार भएको उक्त गीतको भिडियोलाई मनोज कार्कीले संपादन गरेका हुन् ।


