दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

कालापानी र लिपुलेकबारे सरकारले निकालेको विज्ञप्ती अमान्य, भारतले बुझ्नेगरि अंग्रेजीमा सार्वजनिक गर्नुपर्छ : ई. कँडेल

न्यूजलाईन्स् मिडिया संवाददाता
प्रकाशित मिति : २०७६ कार्तिक २१ गते, बिहीबार १४:३८

काठमाडौं, २१ कात्तिक । पब्लिक ईनोभेटर ई. दिपेन्द्र कँडेलले लिपुलेक र कालापानीबारे नेपाल सरकारले निकालेको विज्ञप्ती अधुरो र अपुरो भएको भन्दै आलोचना गरेका छन् ।

बिहीबार रिपोर्टर्स क्लब नेपालमा पत्रकार सम्मेलन गर्दै कँडेलले नेपाल सरकारले सिमाजस्तो संवेदनशील विषयमा पनि नेपाल सरकार हल्का रुपमा प्रस्तुत भएको गुनासो पोखे । उनले भने,‘नेपाल सरकारले हिजो साँझ निकालेको विज्ञप्ती नेपाली जनतालाई झारा टार्न खोजिएको छ, यो अमान्य हो । भारतले बुझ्नेगरि अंग्रेजीमा विज्ञप्ती निकाल्नुपर्छ ।’

उनले सरकारमात्रै नभएर सरकारी अधिकारी, राजनीतिक दलका नेताहरु, मन्त्री, पूर्वमन्त्री, नागरिक समाजका अगुवा, सिमाविद जोसुकैले पनि यसबारेमा बोल्दा भारत सरकारले बुझ्ने भाषामा बोल्नुपर्ने सुझाए । उनले भने,‘नेपाली जनताको मन जित्नको लागि मात्रै खोक्रो राष्ट्रवादी बन्न आफ्नो फेशबुक र ट्विटरमा लेखेर वा भाषण गरेर हुँदैन् । सिधै भारत सरकारलाई मेन्शन गरेर अंग्रेजीमा बोल्नुपर्छ ।’

कँडेलले पूर्व प्रधानमन्त्री डा. बाबुराम भट्टराई र कांग्रेस नेता गगन थापाको नामै लिएर उनीहरुको अभिव्यक्ति भारतसामू निरीह रहेको र नेपाली जनताको अगाडिमात्रै नायक बन्न खोजेको आफूले पाएको टिप्पणी गरे । उनले भने,‘बाबुरामजी र गगनजीले बरु नेपालीभन्दा संस्कृत भाषामै विरोध जनाएको भए राम्रो हुन्थ्यो ।’ उनले नेपाल सरकारको कदम र प्रेस वक्तव्य कुरेर बस्नुभन्दापनि प्रत्येक सच्चा राष्ट्रवादी र देशभक्त नेपालीहरुले सिधै भारत सरकारको विरुद्धमा आफ्नो अभिव्यक्ति दिन सक्नुपर्ने पनि धारणा राखे ।

कँडेलले थपे,‘कोही पनि नेताहरुले अब सरकारको निर्णय र कदम कुरेर बस्नुभएन । सरकारले यसो गर्नुपर्यो, उसो गर्नुपर्यो भनेर भन्नुहुँदैन् । रविन्द्र मिश्रजीको साझा पार्टीले पनि सरकारको धारणा र कदम कुर्नुभएन । उसो त, कांग्रेसपनि हिजो सरकारमा थियो । बाबुरामजी प्रधानमन्त्री बन्नुभएकै थियो । त्यतिवेला पनि यो समस्या थियो । घट्ना हाम्रो लागि नौलो थिएन । भारतले नक्शा पो आज सार्वजनिक गर्यो । तर, १९६२ देखि लिपुलेकमा आफ्नो सेना राखिरहेको छ । भारतीय सेना हटाउनेबारे त्यतिवेलाका सरकारले किन बोलेनन् । म प्रश्न गर्न चाहन्छु ।’

त्यस्तै, कँडेलले भारतको पछिल्लो कदम केपी शर्मा ओलीको सरकार ढाल्ने षड्यन्त्रको रुपमा पनि आफूले लिएको उल्लेख गरे । उनले भने,‘अन्तर्राष्ट्रिय शक्तिहरुले अहिले ओली सरकार ढाल्नको लागि षड्यन्त्र गरेको गन्ध मैले पाएको छु, सम्माननीय प्रधानमन्त्री ओलीज्यूले नाकावन्दीको बेला देखाएको राष्ट्रिय नायकत्वको भूमिका फेरि देखाउने बेला भएको छ । अब जनताको साथ लिनुपर्छ । यसको लागि उहाँ सडकमा आउनुपर्छ ।’

कँडेलले भारतले नेपालको सार्वभौमसत्तामाथि धावा बोलेको भन्दै उक्त कदम आफूलाई कुनैपनि हालतमा सह्य नहुने चेतावनी दिए । उनले भने,‘भारतको पछिल्लो कदमबारे म निकै दुःखी छु । लिपुलेक र कालापानीबारे सदियौंदेखि विवाद रहँदै आएको छ भन्ने कुरा साँचो हो । तर, यो विवाद द्धिपक्षीय कुटनीतिक माध्यमबाट हल गरिनुपर्छ ।’ कँडेलले आफ्नो अभिव्यक्ति अंग्रेजीमा एक विज्ञप्ती प्रकाशन गर्दै सार्वजनिक गरेका हुन् । समचार तस्बिर रिपोर्टस क्लबबाट

फेसबुक प्रतिक्रिया
सम्बन्धित शीर्षकहरु