तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

धार्चे गाउँपालिकाद्धारा पत्रकार भीमलाल श्रेष्ठ पर्यटन सद्भावना दूत र एजिला गुरुङ बालबिबाह न्यूनिकरण दूत नियुक्त

न्यूजलाईन्स् मिडिया संवाददाता
प्रकाशित मिति : २०७६ मंसिर १७ गते, मंगलवार ९:२६

गोरखा / धार्चे गाउँपालिकाले गोरखाका पत्रकार भीमलाल श्रेष्ठलाई पर्यटन सद्भावना दूत घोषणा गर्ने निर्णय गरेको छ । सोमबार सम्पन्न कार्यपालिका बैठकले पत्रकार श्रेष्ठलाई सद्भावना दूत घोषणा गर्ने निर्णय गरेको सो गाउँपालिकाका अध्यक्ष सन्तोष गुरुङले जानकारी दिए ।

साथै सोही बैठकले मिस आदिवासी जनजाति २०१९ एलिजा गुरुङलाई धार्चे गाउँपालिकामा बालबिबाह न्यूनिकरण दूत घोषणाको निर्णय गरेको छ । एलिजा धार्चे गाउँपालिका २ केरौंजा निबासी हुन् ।

श्रेष्ठले लाप्राक लगायत धार्चे गाउँपालिकामा प्रचलित मकै बिबाहको परम्परालाई वृत्तचित्र मार्फत देश विदेशमा चिनाउने काम गरेको र सोही चिनारीका कारण पर्यटक आकर्षित भएको गाउँपालिकाले ठहर गरेको छ । त्यसैले श्रेष्ठलाई पर्यटन सद्भावना दूत घोषणा गर्ने निर्णय गरेको अध्यक्ष गुरुङले जानकारी दिए ।

पत्रकार श्रेष्ठ र मिस आदिवासी जनजाति गुरुङलाई उपयुक्त अवसर जुराएर औपचारिक रुपमा घोषणा गर्ने र सम्मान गरिने अध्यक्ष गुरुङले बताए ।

श्रेष्ठलाई नगद रु ३० हजारसहित सम्मान गर्ने निर्णय भएको छ । गुरुङलाई पनि बिभिन्न सभा, समारोह तथा बालबिबाह न्यूनिकरण तथा महिला बेचबिखन न्यूनिकरण अभियान सञ्चालन गर्न अग्रसर गराइने अध्यक्ष गुरुङले बताए ।

सोमबारको कार्यपालिका बैठकले धार्चे गाउँपालिका र चुमनुब्री गाउँपालिकामा अल्टूाम्याराथुन दौड आयोजना गर्ने निर्णय गरेको छ । पर्यटन विकासका लागि अङ्ग्रेजी महिनाको मे नौ मा लार्केदेखि लाप्राकसम्मको अल्टूाम्याराथुन दौड आयोजना गर्ने निर्णय गरेको अध्यक्ष गुरुङले बताए ।

साथै बारपाक र लाप्राकको सीमानामा पर्ने मम्चेडाँडादेखि माछाखोलासम्म साइकल दौड प्रतियोगिता गर्ने पनि निर्णय भएको अध्यक्ष गुरुङले जानकारी दिए ।-दरौंदी डटकमबाट

फेसबुक प्रतिक्रिया
सम्बन्धित शीर्षकहरु