दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

क्वाड’बाइक अब नेपालमै

न्यूजलाईन्स् मिडिया संवाददाता
प्रकाशित मिति : २०७६ पुष १ गते, मंगलवार १६:४७

काठमाडौं ।दुबई,साउदी अरबलगायत मुलुकमा चलाइने लोकप्रिय ‘क्वाड’बाइक अब नेपालमै सयर गर्न पाइने भएको छ। यो मोटरसाइकल विशेषत मरुभूमिमा चलाइन्छ।
चित्लाङ रिसोर्टको भगिनी कम्पनी एड्भेन्चर गियर प्रालिले ५ ओटा ‘क्वाड’ बाइक सञ्चालनमा ल्याएको छ।

एड्भेन्चर गियरले ‘क्वाड’ बाइकको लागि रिसोर्ट पछाडि छुट्टै ३ किलोमिटरको रुट बनाएको रिसोर्ट सञ्चालक देवेन्द्र नेपालले जानकारी दिए।

‘३ किलो मिटरको रुट छ। जानेरआउने गरेर ६ किलोमिटर बाइकमा सयर गर्न पाइन्छ। बीच–बीचमा फोटो खिच्ने, रमाइलो गर्ने ठाउँ पनि बनाएका छौं,’ नेपालले जनाए।

२ जनासम्म चढ्न मिल्ने उक्त बाइक सयर गर्न चाहनेले २ जनाको ४ हजार र १ जना मात्रै चढेमा ३ हजार शुल्क तिर्नुपर्छ।
सामान्य मोटरसाइकल चलाउन सक्नेलाई यो बाइक चलाउन खासै गाह्रो नहुने उनले जनाए।
‘चार ओटा पांग्रा हुने भएकोले सामान्य बाइकको भन्दा ह्याण्डल थोरै टाइट हुन्छ। तर १० मिनेट चलाउँदैमा हात बस्छ,’ नेपालले जनाएका छन्।
चित्लाङ आउने पर्यटकहरूलाई केही नयाँपन दिने उद्देश्यले झण्डै ७५ लाख खर्चिएर ५ ओटा ‘क्वाड’ बाइक ल्याइएको नेपालले जानकारी दिए।

‘यहाँ आउने पर्यटकलाई हामी एड्भेन्चरस अनुभव गराउन चाहन्छौं। अब मिनी बन्जी, जीपलाइन लगायतको पनि हामी तयारी गरिरहेका छौं,’उनले भने।

फेसबुक प्रतिक्रिया
सम्बन्धित शीर्षकहरु