
काठमाडौं, पुस २ गते ।
अखिल नेपाल टेबलटेनिस संघले राष्ट्रिय खेलकुद परिषद्का सदस्य–सचिव रमेशकुमार सिलवाललाई बुधबार सम्मान गरेको छ । १३ औं दक्षिण एसियाली खेलकुद (साग) भब्य र सफलतापूर्वक सम्पन्न गर्न सफल भएको तथा नेपाललाई हालसम्म सर्वाधिक स्वर्ण दिलाउन सफल भएकोमा संघले सदस्य–सचिव सिलवाललाई सम्मान गरेको हो ।
संघकै आयोजनामा लैनचौरस्थित राष्ट्रिय टेबलटेनिस प्रशिक्षण केन्द्रमा भएको दक्षिण एसियाली क्षेत्रीय होप्स एन्ड क्याडेट टेबलटेनिस प्रतियोगिताको पुरस्कार वितरण कार्यक्रममा संघका अध्यक्ष चतुरानन्द राजवैद्यले सदस्य–सचिव सिलवाललाई दोसल्ला ओढ्यानुका साथै सम्मान पत्र प्रदान गरी सम्मान गरे ।


