
काठमाडौँ — पुस ६ ।
वैदिक हिन्दू सनातन धर्मको संरक्षण तथा प्रचारप्रसार हेतु राजधानीको कमलपोखरीस्थित अग्रवाल भवनमा श्रीमद (धुर्व र प्रह्लाद चरित्र) भागवत कथामृत पौष ०७-११ गते सम्म संचालन हुने भएको छ ।
अन्तराष्ट्रिय कृष्णभावनामृत संघ (इस्कोन) ले आयोजना गरेको पाँच दिने श्रीमद (धुर्व र प्रह्लाद चरित्र) भागवत कथामृतको कलशयात्रा पौष ०७ गते बिहान ०८ बजे बसन्तपुर स्थित सानो पशुपतिनाथ मन्दिरबाट शुरु भई मख्खन गल्ली, भोटाहिटी, कमलादी हुँदै अग्रवाल भवनमा पुगेर समापन हुने छ । साथै दिउँसो ०३ बजेदेखि साँझ ०६ बजेसम्म विश्व प्रख्यात भागवत वाचक श्रद्देय लाल गोविन्द प्रभुजीद्वारा कथा वाचन पाँच दिनसम्म संचालन हुने आयोजकले जनाएको छ ।
आयोजक अन्तराष्ट्रिय कृष्णभावनामृत संघ (इस्कोन) ले सम्पूर्ण श्रद्दालु भक्तजन तथा सनातन हिन्दु धर्मावलम्वीहरुमा श्रीमद (धुर्व र प्रह्लाद चरित्र) भागवत कथामृतको श्रवणगरी लाभ लिनुहुन आह्वान गरेका छन ।


