तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

एन्जल्स हर्ट बास्केटबल आइतबारदेखि

न्यूजलाईन्स् मिडिया संवाददाता
प्रकाशित मिति : २०७६ माघ १० गते, शुक्रबार १८:११

काठमाडौं, माघ १० ।
एन्जल्स हर्ट स्कुलको आयोजनामा सातौं एन्जल्स हर्ट कप अन्तरविद्यालय बास्केटबल प्रतियोगिता आइतबारदेखि हुने भएको छ ।
प्रतियोगितामा २० छात्र टिमको सहभागिता रहने एन्जल्स हर्टका प्रिन्सिपल धनबहादुर पुनले शुक्रबार आयोजित पत्रकार सम्मेलनमा जानकारी गराए । सहभागी टिमलाई ४ समूहमा विभाजन गरी लिग कम नकआउट आधारमा खेल खेलाइने छ ।
सहभागी टिममा एन्जल्स हर्ट ‘ए’ र ‘बी’, गोल्डेन पिक, श्रृजना ज्ञान सागर, लालीगुराँस, इबीए, एनइए, एचएचसीए, नेपाल मोडेल, सेब, भ्याली पब्लिक, नवोदित, ग्रिनफिल्ड, हर्टलाइन, ओडिसी, फ्लोरोसेन्ट, नेसनल युनाइटेड, काठमाडौं भ्याली, ग्रिनल्यान्ड र बीएनए रहेका छन् ।
आठ कक्षामा अध्ययनरत छात्रहरुले मात्र प्रतियोगितामा सहभागी हुन पाउने प्रावधान छ । जुनियर र सिनियरमा सहभागिताको कम अवसर पाउने छात्रलाई लक्षित गरी पहिलो पटक प्रतियोगिता आयोजना गर्न लागिएको प्रिन्सिपल पुनले बताए । विगतका संस्करणमा जुनियर र सिनियर ब्वाइजको प्रतियोगिता हुने गरेको थियो ।
प्रतियोगिता सञ्चालन गर्न करिब ५ लाख रुपैयाँ खर्च हुने एन्जल्स हर्टका संस्थापक यमबहादुर छन्त्यालले जानकारी दिए ।
तार्केश्वर नगरपालिका वडा नं. १० का अध्यक्ष अमृत थापाले विद्यालयस्तरको प्रतियोगिताले प्रतिभावान खेलाडीको पहिचान गर्न मद्दत पुग्ने धारणा व्यक्त गर्दै बास्केटबलको विकासमा एन्जल्स हर्टको कार्य प्रशंसनीय रहेको बताए । माघ २० गतेसम्म चल्ने प्रतियोगिताका खेलहरु मनमैजुस्थित आयोजकको आफ्नै कोर्ट हुने छ ।

फेसबुक प्रतिक्रिया
सम्बन्धित शीर्षकहरु