
माघ १६, काठमाडौं । ज्ञात अज्ञात शहीदहरुलाई सम्झिदैं आज शहीद दिवस मनाइएको छ ।
यसै अवसरमा आज शहीद सप्ताहको अन्तिम दिन ं काठमाडौंको लैनचौरमा रहेको शहीद स्मारक स्तम्भमा प्रधान मन्त्री के.पी.शर्मा ओलिले शहीदहरु प्रति श्रद्धा सुमन अर्पण गर्नु भएको छ ।
यस अघि प्रधान मन्त्री लैनचोरस्थित शहीद स्मारक पुग्दा नेपाली सेनाको एक टुकडीले प्रधान उहाँलाई सम्मान गारद चडाएको थियो ।
यसैगरी शहीद स्मारकमा नेपाल सरकारका मन्त्री , काठमाडौं महानगरपालिकाका प्रमुख तथा शहीद सप्ताह मुल समारोह समितिका संयोजक विद्या सुन्दर शाक्य, उप प्रमुख हरि प्रभा खडगी श्रेष्ठ , सुरक्षा निकायका प्रमुख , काठमाडौं महानगरपालिकाका जन प्रतिनिधि र महानगरपालिकाका कर्मचारीहरुले श्रद्धा सुमन अर्पण गरेका थिए ।
यस अधि शान्ति बाटिका रत्न पार्कबाट वि.स. १९९७ सालमा शहीद भएका चार जना शहीद शुक्रराज शास्त्री, धर्म भक्त भाथेमा, दशरथ चन्द्र र गंगालाल श्रेष्ठको तस्बीर सहितको शोभायात्रा जमल, कान्तिपथ, केशर महल हदैँु काठमाडौं महानगरपालिकामा वडा नं २६ परिसर भित्र रहेको शहीद स्मारक पार्क पुगेको थियो ।
काठमाडौं महानगरपालिकाद्धारा गत माघ १० गते काठमाडौंको टेकु पचलीमा रहेको शहीद शुक्रराज शास्त्रीको शालिकमा श्रद्धान्जली अर्पण गरि शुरु भएको शहीद सप्ताह कार्यक्रम माघ १३ गते सिफलमा शहीद धर्मभक्त माथेमा र हिजो माघ १५ गते शोभाभगवतीमा दशरथ चन्द्र र गंगालाल श्रेष्ठ प्रति श्रद्धान्जली व्यक्त गरि सम्पन्न भएको थियो ।


