
नेपाल एपीफ स्कुल, कीर्तिपुर काठमाण्डौँको आयोजनामा छैटौँ नेपाल एपीफए स्कुल कप फुटबल प्रतियोगिता अन्तर्गत आजको खेलमा ल्याब स्कुल र सैनिक स्कुल विजयी भएका छन् ।
आज सम्पन्न चार खेलहहरु मध्ये पहिलो खेलमा एम्ब्रोसिया ईन्टरनेशनल स्कुल र जेम्स स्कुलले १—१ गोलको बराबरी खेलेका थिए। एम्ब्रोसिया ईन्टरनेशनल स्कुलको तर्फबाट दिपेन खत्रीले १ गोल गरेका थिए भने बराबरी बनाउनको लागी जेम्स स्कुलको तर्फबाट आदित्य थापाले गोल गरेका थिए। त्यसै आज भएको दोस्रो खेलमा रिब्स स्कुलले बाघ भैरव बोडिङ्ग स्कुललाई ४—० को फराकिलो अन्तरले पराजित गरेको छ ।
रिब्स स्कुललाई विजयी गराउन सास्वत वाग्लेले १ गोल, आयुष खड्काले २ र अनमोल पाख्रिनले १ गोल गरेका थिए । आज सम्पन्न तेस्रो खेलमा ल्याब्रोटरी मा.बि.ले लोयल्टी एकेडेमीलाई ३—० गोल अन्तरले पराजित गरेको थियो। तेस्तै ल्याब्रोटरी मा.बि.को तर्फबाट रविन तामाङ्ग २ र समिर स्यानह्याङ्गले १ गोल गरेका थिए । आज भएको अन्तिम खेलमा सैनिक आवासिय महाविद्यालयले पुष्पसदन आवासीय माध्यमिक विद्यालयलाई ५—२ गोल अन्तरले पराजित गर्यो । सैनिक आवासिय महाविद्यालयको तर्फबाट विमर्स थापाले ह्याट्रिक गरेका थिए त्यसैगरी विमर्स विष्टले १ र सुशान्त सापकोटाले १ गोल गरेका थिए भने पुष्पसदन आवासीय माध्यमिक विद्यालयको तर्फबाट नुर्बु तामाङ्गले १ र एलेक्स खड्काले १ गोल गरेका थिए ।
।


