दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

संस्कृति बचाऔं, पर्यटन भित्र्याऔं अभियानअन्तर्गत श्रीराम जानकी शोभायात्रा सुरु हुने

न्यूजलाईन्स् मिडिया संवाददाता
प्रकाशित मिति : २०७६ फाल्गुन १३ गते, मंगलवार १५:४५

काठमाडौं, १३ फागुन । नेपाल भ्रमण वर्ष–२०२० लाई सफल बनाउन र मिथिलाको कला संस्कृति उजागर गर्ने उद्देश्यले संस्कृति बचाऔं पर्यटन भित्र्याऔं अभियानअन्तर्गत श्रीराम जानकी शोभायात्रा हुने भएको छ ।

मिथिला संस्कृति समाज नेपालले मंगलबार मधेश मिडिया हाउसमा पत्रकार सम्मेलन आयोजना गरी श्रीराम जानकी शोभायात्राको उद्घोषण गरेको हो ।

जानकी नवमीको अवसर पारी आगामी बैशाख २० गते शनिबारदेखि झापा जिल्लाको गौरीगंजबाट सुरु भई मोरङ, सुनसरी, सप्तरी, सिरहा, धनुषा, महोत्तरी, सर्लाही, रौतहट, बारा, पर्सा हुँदै मकवानपुरको हेटौंडामा सम्पन्न हुने समाजका सचिव राधेश्याम विश्वकर्माले पत्रकार सम्मेलनमा जानकारी दिए ।

सो कार्यक्रम हरेक जिल्लाका सदरमुकाम वा चर्चित शहरमा समितिहरुद्वारा शोभायात्राको स्वागत गर्न समारोहको आयोजना गरिने पत्रकार सम्मेलनमा जारी विज्ञप्तिमा उल्लेख छ ।

यस अभियानमार्फत् संस्कृतिको संरक्षण गर्ने कार्यमा योगदान पु¥याएकाहरुलाई सम्मानसमेत गरिने समाजले जनाएको छ । अभियानको क्रममा शोत्रायात्रामा कलाकारहरुले मिथिला संस्कृतिसँग सम्बन्धित विभिन्न गीतसँगीत तथा भजनकीर्तन गर्दै जाने कार्यक्रम रहेको विज्ञप्तिमार्फत जनाएको छ ।

संस्कृति बचाऔं अभियानको सजावट मिथिला संस्कृति झल्किने दृश्यहरु अंकित जानकारी मन्दिरको स्वरुपमा सजाइने सचिव विश्वकर्माले बताए ।

यस अभियानबाट धर्म, कला, संस्कृति र संस्कारको प्रवद्र्धन हुने, नेपाल भ्रमण वर्ष सफल बनाउन टेवा पुग्ने, मिथिलाञ्चललाई धर्मस्थल तथा पर्यटकीय क्षेत्रको बारेमा सबैलाई अवगत हुने र मिथिलाको सभ्यता, सम्पदा र विविधतामा टेवा पुग्ने विश्वास मिथिला संस्कृति समाजले लिएको छ ।

पत्रकार सम्मेलनका प्रमुख अतिथि श्रीराम हनुमान अराधनामण्डल नेपालका संयोजक किशोरी महतोले यस अभियानबाट नेपाल भ्रमण वर्षलाई सहयोग पुग्ने र मिथिलाको कलासंस्कृतिको पनि प्रचार प्रसार हुने बताए ।

उनले हजारौंहजार वर्ष पूरानो मिथिलाको कला संस्कृति अहिले लोप भइरहेको अवस्थामा समाजको यो अभियानले ठूलो उपलब्धि हासिल गर्ने विश्वास व्यक्त गरेका छन् । उनले यस अभियानको खुलेर प्रशंसा गरेका थिए ।

यसैगरी समाजका अध्यक्ष वीरेन्द्र ठाकुरको अध्यक्षतामा भएको कार्यक्रममा विशिष्ट अतिथिहरु मधेशी पत्रकार समाज नेपालका अध्यक्ष मोहन सिंह, मधेशी महिला समाजका अध्यक्ष रिना साहलगायतले श्रीराम जानकी शोभायात्राको सफलताका लागि शुभकामना व्यक्त गरेका छन् ।

फेसबुक प्रतिक्रिया
सम्बन्धित शीर्षकहरु