
मैले बुझेकि छु
तिमी परिवन्दनमा पार्न खोज्दै छौ मलाई ।
तिमी हतोत्साहित गरेर
निस्कृय राख्न
खोज्दै छौ मलाई ।
मलाई म हुनबाट
निरुत्साहित गर्दै छौ।
कुनै सद्भावको आसा छैन तिमीबाट
कुनै सहयोगको अपेक्षा पनि राख्दिन ।।
न हिंज,न आज र न भोली
साथ पाउनु तिमीबाट।
समय तिमीले
मेरो उपेक्षा गरेर कटाउनु ,
दिन तिमीले
मेरो वदख्वाई गरेर बिताउनु ,
अरू त अरू
भगवानको प्रार्थना गर्ने बेला पनि
मलाई श्राप दिन नबिर्सनु।
तिम्रै श्रापको मलले मौलाएकी म
अझै खारीएर निस्कनु छ।
मलाई अझ थुप्रै जंघार तर्नु छ।
थुप्रै सफलताका खुड्किला चढ्नु छ।
चोटहरुले खारिएको शक्तिबाट
सथै यसै गरी तिमीलाई परास्त पार्नु छ।
यसैले
अब, सुन साथी!!
तिमीले दिएका चोटहरुले पिरोल्दैन मलाई ।।


