दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

विश्व स्वास्थ्य संगठनले कोरोना भाइरसलाई विश्वव्यापी महामारीको घोषणा

न्यूजलाईन्स् मिडिया संवाददाता
प्रकाशित मिति : २०७६ फाल्गुन २९ गते, बिहीबार ११:४३

काठमाडौँ । विश्व स्वास्थ्य संगठनले कोरोना भाइरसलाई विश्वव्यापी महामारीको घोषणा गरेको छ । संगठनका प्रमुख ट्रेडोस घेब्रेयसीसले कोरोना संक्रमणलाई विश्वव्यापी महामारी भएको बताएका छन् । उनले एक भाइरसले विश्वभर यस्तो महामारी बनाउछ भन्ने यस अघि नदेखिएको उनले बताएका छन् ।

उनले महामारी शब्दलाई हल्का रुपले लिन नहुने भन्दै यसमा लापरवाही गरे ठुलो नोक्सानी बेहोर्नु पर्ने ट्रेडोसले चेतावनी दिएका छन् ।

संगठनका आपतकालीन प्रमुख डा. माइक रियानले यो महामारी चीन, इटाली र इरानजस्तो अवस्थामा अन्य देश पनि पर्ने चेतावनी समेत दिएका छन् । अहिले चीनपछि इरान र इटालीमा कोरोनाको संक्रमण बढी देखिएको भन्दै उनले यस्तो अवस्था अन्य देशमा समेत आउन सक्ने बताए ।

विश्वभर कोरोनाको संक्रमण एक लाख १५ हजार भन्दा बढीमा देखिएको र करिब ४४ सयको मृत्यु भएको छ ।

पछिल्लो २४ घण्टामा थप १२ देशमा कोरोनाको संक्रमण देखिएको छ भने तिब्र गतिमा फैलिने क्रम जारी रहेको छ । कोरोनाको इपिसेन्टर मानिएको चीनमा कोरोना नियन्त्रण उन्मुख रहेपनि एशियाका अन्य देश, युरोप र अमेरिकामा तिब्र गतिमा फैलिरहेको छ ।

चीनपछि इटालीमा कोरोनाको असर बढी देखिएको छ । पछिल्लो २४ घन्टामा इटालीमा १९६ जनाले ज्यान गुमाएका छन् भने अहिलेसम्म मृत्यु हुनेको संख्या ८२७ पुगेको छ ।

त्यस्तै इरानमा ३५४, कोरियामा ६१, स्पेनमा ५४, फ्रान्समा ४८, अमेरिकामा ३७, जनाले ज्यान गुमाइसकेका छन् ।

फेसबुक प्रतिक्रिया
सम्बन्धित शीर्षकहरु