दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

कुवेतले दुई साताका लागि हवाइ उडान बन्द गर्ने

न्यूजलाईन्स् मिडिया संवाददाता
प्रकाशित मिति : २०७६ फाल्गुन ३० गते, शुक्रबार ९:११

कुबेत । नेपाली कामदारका लागि गन्तब्य मुलुक रहेको खाडी मुलुक कुवेतले दुई साताका लागि कुवेत अन्तर्राष्ट्रिय विमानस्थलमा हुने सम्पूर्ण व्यवसायिक उडान र अवतरण बन्द गर्ने निर्णय गरेको छ । कोरोना भाइरसको सम्भावित जोखिमलाई ध्यानमा राख्दै कुवेतले दुई साताका लागि हवाइ उडान बन्द गर्नेसँगै देशमा कार्यरत कामदारहरूलाई समेत दुई साता बिदा दिने निर्णय पनि गरेको छ ।

कुबेत सरकारको यो निर्णयसँग कुबेत जाने नेपालीहरु प्रभावित हुने भएका छन् । कुबेतले हवाई प्रतिबन्ध लगाएको भन्दै नेपाल वैदेशिक रोजगार व्यवसायी संघका महासचिव सुजित श्रेष्ठले रोजगार व्यवसायीहरुलाई जानकारी गराइएको बताए । हवाई प्रतिबन्धसँगै कुबेतमा रोजगारका लागि जान तयार कामदारहरु प्रभावित भएका छन् । अहिले कुबेतमा ७० हजार नेपाली कार्यरत छन् । कुवेतमा अहिलेसम्म नेपालीलाई कोरोना संक्रमण नभएको एनआरएनए आईसिसि सदस्य अमित चाम्लिङ्गले बताए । उनले सबै नेपालीलाई साबधानी हुन् आग्रह पनि गरे ।
बिहीबारदेखि सुरू भएको यो निर्णय मार्च २६ सम्मका लागि हुने उसले जनाएको छ । कुवेती सरकारका प्रवक्ताका अनुसार यो निर्णय कार्गो विमान र विदेशबाट उद्धार गरेर कुवेती नागरिक ल्याउने विमानको हकमा लागु नहुने जनाएको छ । योसँगै कुवेतले बजार, क्याफे तथा हेल्थ क्लबमा हुने जमघटमा समेत रोक लगाएको छ । कुवेतमा हालसम्म ७२ जनामा कोरना भाइरसको संक्रमण देखिएको छ ।

कतारमा २ सय ६२ जनामा भाइरसको संक्रमण भेटिएपछि कुवेत सरकारले सम्भावित जोखिमलाई रोक्न भन्दै यो कदम चालेको होे । यसैबीच खाद्यान्न अभाव हुन नदिनका लागि कुवेत सरकारले विभिन्न उपाय गर्ने सूचना पनि जारी गरेको छ । साथै कोरोना भाइरसका बारेमा आधारहिन हल्ला फैलाउनेलाई कानुनी कारबाही हुन सक्ने भएकाले यस्ता कार्यसमा संलग्न नहुन पनि अनुरोध गरिएको नेपाली राजदूतावास दूतावास कुबेतले जनाएको छ ।

फेसबुक प्रतिक्रिया
सम्बन्धित शीर्षकहरु