दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

विश्वभर कोरोना भाइरसबाट मृत्यु हुनेको संख्या २० हजार नजिक

न्यूजलाईन्स् मिडिया संवाददाता
प्रकाशित मिति : २०७६ चैत्र १२ गते, बुधबार १८:५९

काठमाडौं, १२ चैत्र । विश्वभर कोरोना भाइरसबाट संक्रमितको संख्या चार लाख कटेको छ । संक्रमित भई मृत्यु हुनेको संख्या २० हजार नजिक पुगेको छ ।

पछिल्लो तथ्यांक अनुसार कोरोना भाइरसबाट संक्रमितको कुल संख्या ४ लाख ३६ हजार २४ पुगेको छ । मृतकको संख्या १९ हजार ६ सय ३० पुगेको छ । संक्रमणमुक्त भएकाको संख्या १ लाख ११ हजार ८ सय ७८ पुगेको छ ।

अहिलेसम्मको तथ्यांकमा संक्रमित संख्यामा चीन नै अगाडि छ । चीनमा ८१ हजार २ सय १८ संक्रमित भइसकेका छन् । मृतकको संख्यामा चीन इटाली र स्पेनपछि तेस्रो स्थानमा छ । चीनमा ३ हजार २ सय ८१ को मृत्यु भइसकेको छ । इटालीमा ६ हजार ८ सय २० र स्पेनमा ३ हजार ४ सय ३४ जनाको कोरोना भाइरसको संक्रमणबाट मृत्यु भइसकेको छ ।

संक्रमितको संख्यामा इटाली दोस्रो स्थानमा छ । इटालीमा ६९ हजार १ सय ७६ जना संक्रमित छन् । तेस्रो स्थानमा उक्लिएको अमेरिकामा ५४ हजार ९ सय ७३ संक्रमित छन् । स्पेनमा ४७ हजार ६ सय १०, जर्मनीमा ३४ हजार ९, इरानमा २७ हजार १७, फ्रान्समा २२ हजार ३ सय ४, स्वीटजरल्यान्डमा १० हजार ४ सय ५६, दक्षिण कोरियामा ९ हजार १ सय ३७, बेलायतमा ८ हजार ७७, नेदल्यान्डमा ५ हजार ५ सय ६० जना संक्रमित भएका छन् ।

पछिल्लो तथ्यांक अनुसार अमेरिकामा संक्रमितको संख्या द्रुत गतिमा बढिरहेको छ । चीनमा नियन्त्रणतर्फ गएको छ ।

दक्षिण एशियामा सबैभन्दा बढी संक्रमित पाकिस्तानमा छन् । त्यहाँ एक हजार संक्रमित भइसकेका छन् भने ८ जनाको मृत्यु भएको छ । पाकिस्तानपछि भारतमा ५ सय ६२ संक्रमित भएका छन् । भारतमा १० जनाको कोरोना भाइरसको संक्रमणले मृत्यु भएको छ । श्रीलंकामा १०२, अफगानिस्तानमा ७९, बँगलादेशमा ३९, मालदिभ्समा १३, नेपालमा ३ र भुटानमा २ जना कोरोना भाइरसको संक्रमित भेटिएका छन् ।
रिपोर्टसनेपाल

फेसबुक प्रतिक्रिया
सम्बन्धित शीर्षकहरु