दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पूर्व प्रशासक एवम् साहित्यकार न्यौपानेको निधन

न्यूजलाईन्स् मिडिया संवाददाता
प्रकाशित मिति : २०७७ बैशाख १ गते, सोमबार १०:१६

ललितपुर, ०१ बैशाख – पूर्व प्रशासक एवम् साहित्यकार तुलसी प्रसाद न्यौपानेको निधन भएको छ । गए राती १:०० बजे आसपास आफ्नै निवासमा ७२ बर्षको उमेरमा उनको निधन भएको हो । न्यौपानेको पार्थिव शरिरलाई पशुपति आर्यघाटमा दाह संस्कार गरिसकिएको पारिवारिक स्रोतले जानकारी दिएको छ । न्यौपाने मुटु सम्बन्धी रोगबाट ग्रसित थिए । तुलसी प्रसाद न्यौपानेको जन्म गोर्खा जिल्ला स्थित पालुङटारमा भएको थियो । तीन दशक भन्दा लामो समय निजामती सेवामा विताएका न्यौपानेले अधिकांश समय योजना आयोग र अर्थ मन्त्रालयमा रहेर काम गरेका थिए । अर्थ मन्त्रालय रहदा उनले बढि जसो समय वैदेशिक शाखा प्रमुखको जिम्मेवारी सम्हालेका थिए । त्यसो त न्यौपानेले एसियाली विकास बैंकको मुख्यालयमा नेपाल सरकारको प्रतिनिधीका रुपमा रहेर समेत कार्य गरेका थिए । महादेशिय यात्रा, बिर्सिएका कविताहरु, नलेखिएका कथा लगायत एक दर्जन भन्दा बढि साहित्यिक कृतिहरु रचना गर्दै न्यौपानेले नेपाली साहित्यको भण्डार भर्ने कार्य पनि गरेका छन् । न्यौपानेद्वारा लिखित यात्रा संस्मरण महादेशिय यात्राले नेपाली साहित्य फाँटमा उच्च स्थान अोगटेको छ । साथै, उनको लेखन कला, शिल्प र शैलीका कारण उनका हरेक सिर्जनाहरु पठनिय रहने गरेका छन् । उनी गोर्खा सर्जक समाजको अध्यक्ष समेत हुन । साथै, उनले रोटरी इन्टरनेशनल र लायन्स क्लबमा आवद्ध रहदै महत्वपूर्ण जिम्मेवारी सम्हालेका छन् । उनलाई सामाजिक चेतका धनी ब्यक्तिका रुपमा लिने गरिन्छ । हाम्रो भन्दा राम्रो र असल मानिस् बन्नुपर्छ भन्ने भाव उनमा निहित थियो । स्वर्गिय न्यौपानेका एक छोरा, एक छोरी, बुहारी र तीन नाती नातिना छन् ।

फेसबुक प्रतिक्रिया
सम्बन्धित शीर्षकहरु