दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

विश्वमा कोरोना भाइरस संक्रमणबाट ज्यान गुमाउनेको संख्या चार लाख ३५ हजार भन्दा बढी

न्यूजलाईन्स् मिडिया संवाददाता
प्रकाशित मिति : २०७७ असार १ गते, सोमबार ८:०६

काठमाडौं, १ असार । विश्वमा कोरोना भाइरस संक्रमणबाट ज्यान गुमाउनेको संख्या चार लाख ३५ हजार नाघेको छ ।
आज (सोमबार) बिहान ६ बजेसम्मको तथ्याङ्क अनुसार विश्वभर कोरोना संक्रमणका कारण चार लाख ३५ हजार एक सय १६ जनाले ज्यान गुमाएको वल्र्डओमिटरले जनाएको छ । गएको २४ घण्टामा विश्वभर संक्रमणको कारण तीन हजार दुई सय ४८ जनाले ज्यान गुमाएका छन् ।

अहिलेसम्म संक्रमितको संख्या ७९ लाख ८२ हजार नौ सय १२ पुगेको छ । गएको २४ घण्टामा विश्वभर एक लाख २२ हजार तीन सय ८८ जना नयाँ संक्रमित थपिएका छन् ।

गएको २४ घण्टामा सबैभन्दा धेरै संक्रमित अमेरिकामा देखिएका छन् । त्यहाँ १९ हजार नौ सय २० जनामा संक्रमण देखिएको छ । अमेरिकापछि ब्राजिलमा १७ हजार भन्दा धेरै र भारतमा ११ हजार तीन सय ८२ जनामा संक्रमण देखिएको छ ।

योसँगै भारतमा संक्रमितको संख्या तीन लाख ३३ हजार आठ पुगेको छ । भारतमा अहिलेसम्म संक्रमणको कारण नौ हजार पाँच सय २० जनाले ज्यान गुमाएका छन् । त्यहाँ आइतबार तीन सय २१ जनाले संक्रमणका कारण ज्यान गुमाएका छन् ।

‘अमेरिकामा विदेश यात्रामाथिको प्रतिबन्ध हटाउन महिनौ लाग्छ’
अमेरिकी वरिष्ठ जनस्वाथ्यविद डा. एन्थनी फाउचीले अमेरिकामा विदेश यात्रामाथिको प्रतिबन्ध हटाउन महिनौं समय लाग्नसक्ने बताएका छन् ।

उनले कोरोना भाइरसको सक्रमण फैलन नरोकिएको भन्दै यस्तोमा विदेश यात्रामाथिको प्रतिबन्ध खुला गर्नु जोखिम हुने भएकाले महिनौं समय लाग्ने चेतावनी दिएका हुन् ।

अमेरिकाले लकडाउन खुकुलो गरेसँगै त्यहाँ दोस्रो चरणको संक्रमण फैलनसक्ने खतरा औल्याइएको छ । लकडाउन खुकुलो पारे लगत्तै कतिपय शहरमा कोरोना संक्रमणको अवस्था बढ्न थालेको जनाइएको छ ।

गत मार्चमा राष्ट्रपति डोनाल्ड ट्रम्पले यूरोप, ब्रिटेन, चीन, ब्राजिलललगायत देशबाट अमरिका आउनेमाथि प्रतिबन्ध लगाएका थिए । यो प्रतिबन्ध कोरोना भाइरसको खोप नबन्दासम्म पनि लम्बिन सक्ने टेलीग्राफ अखबारलाई दिएको अन्तर्वार्तामा डा. फाउचीले बताएका छन् । आउँदो हिउँदसम्ममा खोप बन्न सक्ने आशा उनले व्यक्त गरे ।

फेसबुक प्रतिक्रिया
सम्बन्धित शीर्षकहरु