दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

वैदेशिक रोजगारीमा गई अवधि पूरा गरी फर्किएका तर फेरि पनि सोही कम्पनीमा जानेहरुका लागि पुनः श्रम स्वकिृति खुला

न्यूजलाईन्स् मिडिया संवाददाता
प्रकाशित मिति : २०७७ असार १९ गते, शुक्रबार ८:२२

काठमाडौँ । वैदेशिक रोजगारीमा गई अवधि पूरा गरी फर्किएका तर फेरि पनि सोही कम्पनीमा जानेहरुका लागि पुनः श्रम स्वकिृति खुला गरिएको छ । कोरोना माहामारीका कारण ३ महिनाभन्दा बढी समयदेखि बन्द रहेको श्रम स्वीकृति बिहीबारबाट दिन सुरु गरिएको हो ।

पहिलो चरणमा पुनः श्रम स्वीकृति मात्रै दिन सुरु गरिएको हो । कोरोना माहामारीका बीच पनि कतिपय देशमा लकडाउन नभएको र उद्योगहरु चलिरहेको अवस्थामा पहिले गएर फर्केकाहरुलाई पुनः श्रम स्वीकृति दिन थालिएको हो । कतिपय कम्पनीबाट कामदारको माग भइ आएको र पहिले नै कागजात तयार भइसकेकाहरुका लागि श्रम स्वीकृति दिन थालिएको विभागले जनाएको छ । काठमाडौंस्थित श्रम कार्यालयबाट बिहीबारदेखि नै पुनः श्रम स्वीकृति दिन थालिएको छ ।

वैदेशिक रोजगार विभागले श्रम स्वीकृति दिने सम्बन्धमा सेवाग्राहीले सुरक्षा सतर्कता भने अपनाउनु पर्ने बताएको छ । काठमाडौं कार्यालयले स्वास्थ्य प्रोटोकलको मापदण्ड अनुसार सेवाग्राहीको लागि लाईन बस्न २–२ मिटरको दुरी कायम हुनेगरी चिन्ह लगाइएको छ । साथै कार्यालय हातामा प्रवेश गर्दा मास्क अनिवार्यरुपमा लगाउनुपर्ने बताएको छ ।

कोभिड–१९ संकट व्यवस्थापन केन्द्र (सीसीएमसी) को असार ७ गते बसेको वैठकले श्रम स्वीकृति खुला गर्न श्रम मन्त्रालयलाई सैद्धान्तिक सहमति दिएको थियो । यद्यपि श्रम मन्त्रालयले तत्कालका लागि पुनः श्रम स्वीकृति मात्रै दिन लागेको हो ।

उपप्रधानमन्त्री ईश्वर पोखरेल संयोजक रहेको तत्कलीन कोरोना रोग रोकथाम तथा नियन्त्रण उच्चस्तरीय समन्वय समितिले गएको फागुन २९ गतेदेखि वैदेशिक रोजगारीमा जाने कामदारको श्रम स्वीकृति स्थगन गर्न निर्देशन दिएको थियो । समितिको निर्देशनपछि वैदेशिक रोजगार विभागले फागुन ३० गतेबाट वैदेशिक रोजगारीमा जाने, घर विदामा नेपाल आएका तथा नयाँ श्रम स्वीकृति लिनका लागि बन्द गरेको थियो ।

सरकारले आगामी साउन ७ गतेसम्मका लागि सबैखाले अन्तर्राष्ट्रिय हवाई उडानमा प्रतिबन्द लगाएको छ । जसका कारण वैदेशिक रोजगार विभागबाट श्रम स्वीकृति पाएपनि सहजरुपमा अन्तर्राष्ट्रिय उडान नभएका कारण ती देशमा जान भने कठिन हुनेछ । यद्यपि यात्रुको सङ्ख्या धेरै भई चार्टर उडान भएमा वा ती देशबाट यात्रु ल्याउनका लागि चार्टर उडान भएको अवस्थामा नेपालबाट पनि श्रम स्वीकृति लिएकाहरुले यात्रा गर्न सक्नेछन् ।

फेसबुक प्रतिक्रिया
सम्बन्धित शीर्षकहरु